इंदूरमध्ये पुन्हा महाजन विजयी
मध्य प्रदेशची आर्थिक राजधानी मानल्या जाणाऱ्या इंदूर येथील जागेवर भाजप नेत्या सुमित्रा महाजन यांनी सलग सातव्यांदा विजयी होण्याचा विक्रम केला आहे. त्यांनी कॉग्रेसचे सत्यनारायण पटेल यांचा 11 हजार 480 मतांनी पराभव केला. पहिल्या फेरीपासूनच महाजन या आघाडीवर असल्याने त्यांचा विजय निश्चित मानला जात होता. महाजन यांना 3 लाख 88 हजार 662 मतं तर त्यांचे प्रतिस्पर्धी 3 लाख 77 हजार 182 मतं पडली.
