संबंधित माहिती
- 5 लाखांखाली येणाऱ्या बेस्ट कार्स; मायलेज जबरदस्त
- हिंगणघाटमध्ये वाळू तस्करी रॅकेटचा पर्दाफाश; गुन्हा दाखल
- मुंबई: १५ लाख रुपयांची लाच घेतल्याप्रकरणी खार पोलीस अधिकाऱ्याला अटक
- १५ लाख रुपयांचे दागिने भंगार म्हणून विकले, चार महिन्यांनी विक्रेत्याला परत करुन मन जिंकले
- गडचिरोलीमध्ये मोठी चकमक, २५ लाखांचे बक्षीस असलेल्या एका नक्षलवादीसह ७ नक्षलवादी ठार
मुलाचे IIT मुंबईमध्ये प्रवेश मिळवून देण्याच्या बहाण्याने महिलेची फसवणूक; तब्बल 12.5 लाख गंडावून घेतले
ठाण्यातील महिलेला मुलाचा IIT बॉम्बेमध्ये प्रवेश मिळवून देण्याचे आमिष दाखवत तब्बल 12.5 लाखांची फसवणूक करण्यात आल्याची धक्कादायक घटना समोर आली आहे. आरोपीने स्वतःला IRS अधिकारी असल्याचे सांगून महिलेचा विश्वास संपादन केला आणि पैसे उकळले. या प्रकरणी पोलिसांनी गुन्हा दाखल करून तपास सुरू केला आहे.
पोलिसांच्या माहितीनुसार, ठाणे जिल्ह्यातील दिवा परिसरात आरोपी आणि पीडित महिला एकाच हाउसिंग कॉम्प्लेक्समध्ये राहत होते. ओळख वाढवल्यानंतर आरोपीने स्वतःला इंडियन रेव्हेन्यू सर्व्हिस (IRS) अधिकारी असल्याचे सांगितले आणि सरकारी स्तरावर आपली मोठी ओळख असल्याचा दावा केला. त्याने महिलेच्या मुलाला IIT बॉम्बेमध्ये प्रवेश मिळवून देण्याचे आश्वासन दिले.
महिलेने मुलाच्या भविष्यासाठी विश्वास ठेवून 2023 दरम्यान आरोपीला टप्प्याटप्प्याने 12 लाख 50 हजार रुपये दिले. मात्र बराच काळ उलटूनही प्रवेश प्रक्रिया पूर्ण न झाल्याने महिलेला संशय आला. चौकशी केल्यानंतर आरोपी उडवाउडवीची उत्तरे देऊ लागला. त्यानंतर महिलेला फसवणूक झाल्याचे लक्षात आले आणि तिने पोलिसांत तक्रार दाखल केली.
या प्रकरणी आरोपीविरोधात फसवणूक आणि बनावटगिरीसह विविध कलमांखाली FIR नोंदवण्यात आली असून पुढील तपास सुरू आहे. पोलिसांनी नागरिकांना अशा आमिषांना बळी न पडण्याचे आवाहन केले आहे.
