घरात एकाच कुटुंबातील ५ जणांचे मृतदेह आढळले

उत्तर प्रदेशातील श्रावस्ती जिल्ह्यात एक धक्कादायक घटना समोर आली आहे. आज, शुक्रवारी एका संपूर्ण कुटुंबाचे मृतदेह आढळले. सर्व पाचही सदस्य त्यांच्या घरात मृतावस्थेत आढळले. या घटनेने परिसरात खळबळ उडाली. शेजाऱ्यांनी तात्काळ पोलिसांना माहिती दिली. पोलिसांनी घटनास्थळी पोहोचून मृतदेह ताब्यात घेतले आणि तपास सुरू केला. 

मिळालेल्या माहितीनुसार ही घटना उत्तर प्रदेशातील श्रावस्ती जिल्ह्यातील इकौना पोलिस स्टेशन परिसरात घडली. एका कुटुंबातील पाच सदस्य, ज्यात पती, पत्नी आणि तीन मुले आहे, मृतावस्थेत आढळले. माहिती समोर आली आहे की, शुक्रवारी सकाळी मृत व्यक्तीच्या आईने   अनेक वेळा दार ठोठावले. वृद्ध आईने तिच्या धाकट्या सून आणि मुलीला फोन केला. खिडकीतून पाहिले तर तिला पाचही सदस्य बेडवर पडलेले दिसले. मृतदेह पाहून कुटुंबात खळबळ उडाली. मृतांमध्ये त्यांचा दीड वर्षांचा मुलगा आणि दोन मुलींचाही समावेश आहे. घटनेचे कारण अद्याप समजू शकलेले नाही. पोलिस या प्रकरणाचा तपास करत आहे.

Edited by-Dhanashree Naik