दिल्लीच्या इंदिरा गांधी आंतरराष्ट्रीय विमानतळावर विमानाचे आपत्कालीन लँडिंग, सर्व प्रवासी सुरक्षित
दिल्लीच्या इंदिरा गांधी आंतरराष्ट्रीय विमानतळावर एका विमानाने आपत्कालीन लँडिंग केले आहे. अग्निशमन दलाच्या माहितीनुसार, विमान सुरक्षितपणे उतरले असून सर्व प्रवासी सुरक्षित आहेत. दिल्ली पोलिसांनी सांगितले की, इंडिगो एअरलाइन्सचे विमान आंध्र प्रदेशातील विशाखापट्टणम येथून दिल्लीला येत होते.
इंजिनमध्ये तांत्रिक बिघाड झाल्यामुळे विमानाला दिल्ली विमानतळावर आपत्कालीन लँडिंग करावे लागले. यावेळी धावपट्टीवर पूर्ण आणीबाणीची स्थिती जाहीर करण्यात आली होती आणि सर्व आपत्कालीन सेवा सज्ज ठेवण्यात आल्या होत्या.
विमान विमानतळावर सुरक्षितपणे उतरले आहे. दिल्ली पोलिसांनी सांगितले की, विमानात इंजिन निकामी होण्याची समस्या निर्माण झाली होती.
Edited By - Priya Dixit
