नीता अंबानी यांना सामाजिक विकासातील योगदानाबद्दल ह्यूमैनिटेरियन अवॉर्ड ने सन्मानित करण्यात आले
रिलायन्स फाऊंडेशनच्या संस्थापक आणि अध्यक्षा श्रीमती नीता एम. अंबानी यांना भुवनेश्वर, ओडिशा येथील कलिंगा इन्स्टिट्यूट ऑफ सोशल सायन्सेसने प्रतिष्ठित 'ह्यूमैनिटेरियन पुरस्कार 2025' ने सन्मानित केले. श्रीलंकेचे नोबेल पारितोषिक विजेते प्रा. मोहन मुनसिंघे आणि KISS, KIIT आणि KIMS चे संस्थापक डॉ. अच्युत सामंत यांच्या हस्ते त्यांना हा सन्मान प्रदान करण्यात आला.
त्यांच्या उत्कृष्ट मानवतावादी उपक्रमांसाठी आणि सामाजिक विकासातील महत्त्वपूर्ण योगदानाबद्दल (विशेषतः शिक्षण, क्रीडा, आरोग्यसेवा, ग्रामीण परिवर्तन, कला आणि संस्कृती आणि रिलायन्स फाउंडेशनच्या माध्यमातून महिला सक्षमीकरण या क्षेत्रांमध्ये) त्यांना हा सन्मान देण्यात आला आहे.
या सोहळ्याला ४०,००० आदिवासी विद्यार्थी उपस्थित होते, ज्यांनी आपल्या पारंपरिक नृत्य आणि सादरीकरणाने श्रीमती अंबानींचे उत्साहात स्वागत केले. वातावरण उत्साह आणि अभिमानाने भरलेले होते, ज्यामुळे हा सन्मान अधिकच विशेष ठरला.
Edited By - Priya Dixit
