सोनिया गांधी यांची प्रकृती पुन्हा खालावली सर गंगा राम रुग्णालयात दाखल

काँग्रेसच्या ज्येष्ठ नेत्या सोनिया गांधी यांची प्रकृती पुन्हा खालावली आहे. त्यांना सर गंगा राम रुग्णालयात दाखल करण्यात आले आहे. राहुल गांधी आणि प्रियांका गांधी हे देखील त्यांच्यासोबत आहेत. यापूर्वी जानेवारी महिन्यातही त्यांना रुग्णालयात दाखल करण्यात आले होते.

सोनिया गांधी यापूर्वीही प्रकृतीच्या कारणास्तव रुग्णालयात दाखल झाल्या होत्या. जून २०२५ मध्ये, पोटाच्या त्रासामुळे त्यांना सर गंगा राम रुग्णालयात दाखल करण्यात आले होते. सुमारे चार दिवसांनंतर त्यांना डिस्चार्ज देण्यात आला होता. मात्र, त्या घरीच उपचार घेत होत्या.

छातीत दुखत असल्यामुळे ७९ वर्षीय सोनिया गांधी यांना सर गंगा राम रुग्णालयात दाखल करण्यात आल्याचे वृत्त आहे. त्यांच्यावर डॉ. अनूप बसू यांच्या देखरेखीखाली उपचार सुरू आहेत. सोनिया गांधी यांच्यासोबत प्रियांका गांधी आणि राहुल गांधी हे देखील रुग्णालयात उपस्थित आहेत.

डॉक्टरांच्या मते, सोनिया गांधी यांची प्रकृती सध्या स्थिर आहे. डॉक्टरांचे एक पथक त्यांच्यावर बारकाईने लक्ष ठेवून आहे. सूत्रांनी दिलेल्या माहितीनुसार, श्वास घेण्यास त्रास होत असल्यामुळे आणि जुनाट दम्याच्या आजारामुळे त्यांना रुग्णालयात आणण्यात आले होते. डॉक्टरांच्या मते, त्यांची प्रकृती स्थिर आहे.

Edited By - Priya Dixit