हैदराबादमध्ये १०० कुत्र्यांना विष देऊन ठार करण्यात आले
हैदराबादला लागून असलेल्या याचराम गावात १०० हून अधिक भटक्या कुत्र्यांना विष देऊन मारण्यात आल्याचा आरोप आहे. या घटनेमुळे प्राणी हक्क संघटना संतापल्या आहे आणि गावप्रमुखासह अनेक व्यक्तींवर आरोप करण्यात आले आहे.
मिळालेल्या माहितीनुसार तेलंगणाच्या रंगारेड्डी जिल्ह्यातील हैदराबादपासून सुमारे ५० किलोमीटर अंतरावर असलेल्या याचराम गावात १०० हून अधिक भटक्या कुत्र्यांना विष देऊन मारण्यात आले. या घटनेमुळे प्राणी कल्याण कार्यकर्त्यांमध्ये मोठ्या प्रमाणात संताप निर्माण झाला आहे, विशेषतः काही दिवसांपूर्वी तेलंगणाच्या तीन जिल्ह्यांमध्ये ५०० हून अधिक भटक्या कुत्र्यांना मारल्याच्या वृत्तानंतर. पशु कल्याण संघटनांचा आरोप आहे की याचराममध्ये कुत्र्यांची हत्या व्यावसायिक पद्धतीने करण्यात आली होती आणि त्यात गावप्रमुख आणि त्यांचे सहकारी सामील असू शकतात. तथापि, मारल्या गेलेल्या कुत्र्यांचे मृतदेह अद्याप सापडलेले नाहीत. पुरावे नष्ट करण्यासाठी मृतदेह गावाबाहेर पुरण्यात आल्याची भीती आहे.
स्ट्रे अॅनिमल फाउंडेशन ऑफ इंडियाच्या प्रतिनिधी मुदावथ प्रीती यांच्या तक्रारीवरून पोलिसांनी गुन्हा दाखल केला आहे. त्यांनी गावाच्या सरपंचासह तीन जणांविरुद्ध विविध कलमांखाली गुन्हा दाखल केला आहे.
Edited By- Dhanashri Naik
