Manache Shlok Movie : पुण्यात ‘मनाचे श्लोक’ चित्रपटाचा शो बंद पाडला

पुण्यातील कोथरूडमध्ये हिंदुत्ववादी संघटनांनी काल मनाचे श्लोक हा चित्रपट सिटी प्राईड चित्रपटगृहात बंद पाडला. हा चित्रपट लिव्ह इन रिलेशनशिपवर आधारित असून या चित्रपटाला मनाचे श्लोक नाव देऊन समर्थ रामदास स्वामींचा अपमान करण्यात आला आहे.

या चित्रपटाचे नाव बदलण्याची मागणी आंदोलनकर्त्या उज्वला गौड यांनी केली आहे. या संघटने दिवसभरात शहरातील आठ शो बंद पाडले असून रामदास स्वामींचा अवमान केल्यामुळे आम्ही हा सिनेमा बंद पाडला असे उज्ज्वला गौड यांनी सांगितले. 

या चित्रपटाच्या प्रदर्शनापूर्वीच हिंदू जनजागृती समितीने नावावर आक्षेप घेतला होता. धार्मिक ग्रंथाचे नाव व्यावसायिक फायद्यासाठी वापरणे हे श्रद्धेचा अपमान असल्याचे समितीने म्हटले होते. त्यांनी शो बंद करण्याची धमकी दिली होती. 

मुंबई उच्च न्यायालयात या पार्श्वभूमीवर याचिका दाखल करण्यात आली असून न्यायालयाकडून ती फेटाळण्यात आली होती. आणि चित्रपट ठरल्याप्रमाणे वेळेनुसार प्रदर्शित करण्यात आला.

या वरून निर्मात्यांनी न्यायालयाच्या निर्णयाचे स्वागत करताना स्पष्ट केले की, या चित्रपटात रामदास स्वामीं किंवा त्यांच्या श्लोकांचा कोणताही उल्लेख नाही. मनाचे श्लोक शीर्षक हे या चित्रपटातील नायक मनवा आणि श्लोक यांच्या प्रवासाशी संबंधित आहे. 

आम्ही रामदास स्वामींचा आणि त्यांच्या रचनेचा सन्मान करतो. आमचा हेतू त्यांचा अवमान करण्याचा नाही. असे चित्रपटाच्या टीमच्या सदस्यांनी सांगितले.   

Edited By - Priya Dixit