"तुम्ही खूप सुंदर आहात, तुमची मुलगीही सुंदरच असेल तिला माझ्याकडे पाठवा, एएसआय निलंबित; अकोला मधील घटना
अकोला जिल्ह्यातील सिव्हिल लाइन्स पोलीस ठाण्यातून एक अत्यंत गंभीर प्रकरण उघडकीस आले आहे. पोलीस ठाण्यात तैनात असलेल्या एका पोलीस अधिकाऱ्याने पोलीस कोठडीतील एका महिलेकडे लैंगिक संबंधांची मागणी केल्याचा आरोप आहे. नोकरी देण्याच्या बहाण्याने ८० लाख रुपयांची फसवणूक केल्याच्या आरोपाखाली सायबर पोलिसांनी या महिलेला अटक केली होती. अशी माहिती समोर आली आहे.
मिळालेल्या माहितीनुसार महाराष्ट्रातील अकोला जिल्ह्यातील एका सहाय्यक उपनिरीक्षकाला (एएसआय) कोठडीतील महिलेच्या मुलीकडे 'लैंगिक संबंधांची' मागणी केल्याच्या आरोपावरून निलंबित करण्यात आले आहे. ५४ वर्षीय एएसआयने कथितरित्या अटकेत असलेल्या महिलेला तिची मुलगी त्याच्याकडे पाठवण्यास सांगितले होते. ८० लाख रुपयांच्या आर्थिक घोटाळ्याप्रकरणी या महिलेला अटक करण्यात आली होती आणि तिला सिव्हिल लाइन्स पोलीस ठाण्याच्या लॉकअपमध्ये ठेवण्यात आले होते.
एएसआय मंगळवारी कर्तव्यावर असताना त्यांनी कथितरित्या आपल्या पदाचा गैरवापर करून एका महिलेला पैशांचे आमिष दाखवले. पोलीस निरीक्षक यांनी सांगितले की, एएसआयने त्या महिलेकडे लैंगिक संबंधांसाठी आपल्या मुलीला त्याच्याकडे पाठवण्याची मागणी केली. त्या अधिकाऱ्याने कथितरित्या ताब्यात घेतलेल्या महिलेला सांगितले, "तुम्ही खूप सुंदर आहात, तुमची मुलगीही सुंदरच असेल. तिला माझ्याकडे पाठवा, आणि मी तुम्हाला १०,००० रुपये देईन."
मिळालेल्या माहितीनुसार, न्यायालयात हजर केल्यानंतर त्या महिलेला दोन दिवसांची पोलीस कोठडी मंजूर करण्यात आली आणि त्यानंतर तिला अकोला शहरातील सिव्हिल लाइन्स पोलीस ठाण्यात ठेवण्यात आले. याच दरम्यान, त्या महिलेने ठाण्यात उपस्थित असलेल्या एका महिला पोलीस अधिकाऱ्याला सांगितले की, एएसआयने तिच्याकडे अश्लील मागण्या केल्या होत्या. ही माहिती मिळताच, त्या महिला अधिकाऱ्याने आपल्या वरिष्ठांना कळवले, ज्यामुळे पोलीस विभागात खळबळ उडाली. वरिष्ठ अधिकारी तात्काळ पोलीस ठाण्यात दाखल झाले. यानंतर, वरिष्ठ अधिकाऱ्याने आरोपी अधिकाऱ्याची कानउघाडणी केली. या घटनेचा एक व्हिडिओदेखील समोर आला आहे.
जिल्हा पोलीस अधीक्षक अर्चित चंदाक यांनी एएसआयला तात्काळ प्रभावाने निलंबित केले आहे. आरोपीवर महिलेच्या विनयभंगासह विविध कायदेशीर कलमांखाली गुन्हा दाखल करण्यात आला आहे.
Edited By- Dhanashri Naik
