नागपूर-मुंबई द्रुतगती मार्गावर एका ट्रकने टेम्पोला धडक दिल्याने आठ महिला मजुरांचा दुर्दैवी मृत्यू

जालना येथे नागपूर-मुंबई द्रुतगती मार्गावर भरधाव वेगाने येणाऱ्या ट्रकने टेम्पोला धडक दिल्याने आठ महिला मजुरांचा मृत्यू झाला आणि तीन जणी जखमी झाल्या असून त्यांच्यावर सध्या उपचार सुरू आहे.

मिळालेल्या माहितीनुसार महाराष्ट्रातील जालना जिल्ह्यात नागपूर-मुंबई द्रुतगती मार्गावर बुधवारी संध्याकाळी एक भीषण अपघात घडला, ज्यात आठ महिलांचा मृत्यू झाला आणि तीन जणी जखमी झाल्या. सर्व जखमींवर सध्या रुग्णालयात उपचार सुरू आहे. अपघातातील सर्व महिला या काम संपवून घरी परतणाऱ्या मजूर होत्या. या घटनेमुळे संपूर्ण परिसरात शोककळा पसरली आहे.

द्रुतगती मार्गावरील साफसफाईचे काम पूर्ण करून महिला मजूर टेम्पोमधून घरी परतत असताना कडवांची गावाजवळ हा अपघात घडला. मिळालेल्या माहितीनुसार, टेम्पो निघणार होता, तेव्हा मुंबईच्या दिशेने भरधाव वेगाने जाणाऱ्या एका ट्रकने त्याला मागून धडक दिली. 

अपघाताच्या वेळी टेम्पोमध्ये एकूण ११ जण होते. सात महिलांचा जागीच मृत्यू झाला, तर एका महिलेचा रुग्णालयात उपचारादरम्यान मृत्यू झाला. 

पोलिसांनी तात्काळ ट्रक चालकाला अटक करून त्याच्यावर भारतीय दंड संहितेच्या कलमांनुसार गुन्हा दाखल केला. राज्याच्या पर्यावरण मंत्री पंकजा मुंडे यांनी या अपघातावर तीव्र दुःख व्यक्त केले आणि मृतांच्या व जखमींच्या कुटुंबीयांना आर्थिक मदतीचे आश्वासन दिले. राज्याच्या मुख्यमंत्र्यांनीही या दुःखद घटनेवर निवेदन जारी केले आहे. मुख्यमंत्री देवेंद्र फडणवीस यांनी ही घटना अत्यंत दुःखद असल्याचे म्हटले आहे. प्रत्येक मृताच्या कुटुंबीयांना ५ लाख रुपयांची मदत दिली जाईल, असे त्यांनी सांगितले.

Edited By- Dhanashri Naik