मुंबईत कुत्र्याच्या नखामुळे रेबीज झालेल्या मुलीचा उपचारा दरम्यान मृत्यू

महाराष्ट्रातील पालघर जिल्ह्यातील नालासोपारा शहरात एक दुःखद आणि धक्कादायक घटना समोर आली आहे. रेबीजवर उपचार घेत असताना एका ९ वर्षांच्या मुलीचा मृत्यू झाला . सर्वतोपरी प्रयत्न करूनही, सोमवारी सकाळी उपचारादरम्यान त्या मुलीचा मृत्यू झाला, ज्यामुळे संपूर्ण परिसरात शोक आणि भीतीचे वातावरण पसरले आहे.

कशिश साहनी असे या मयत मुलीचे नाव आहे. कशिश आपल्या कुटुंबियांसह नाला सोपारा पश्चिम मध्ये राहत असून इयत्ता चौथीत शिकायची.

मिळालेल्या माहितीनुसार, सुमारे सहा महिन्यांपूर्वी, आजोबांसोबत चालत असताना एका भटक्या कुत्र्याच्या नखामुळे तिच्या हाताला किरकोळ दुखापत झाली होती. दुसऱ्या दिवशी कुटुंबीयांनी तिला उपचारासाठी डॉक्टरांकडे नेले.

असे कळले आहे की, ती मुलगी इंजेक्शनला इतकी घाबरली होती की तिला रेबीजची लस देण्यात आली नाही आणि तिच्यावर योग्य उपचार होऊ शकले नाहीत. जखम लहान होती आणि ती लवकर बरी झाली, आणि हे सामान्य आहे असे समजून कुटुंबीयांनी ते गांभीर्याने घेतले नाही.

काही दिवसानंतर तिची प्रकृती खालावली तिने खाणेपिणे बंद केले. आणि तिचे डोळे लाल झाले तिची प्रकृती अधिक खालावल्याने तिच्या कुटुंबीयांनी तिला तातडीने रुग्णालयात नेले, जिथे पुढील उपचारांसाठी तिला मुंबईतील कस्तुरबा रुग्णालयात दाखल करण्यात आले.तिला रेबीज झाल्याचे निष्पन्न झाले. डॉक्टरांनी तिला वाचवण्याचे शर्थीचे प्रयत्न करते मात्र उपचाराधीन असता तिचा मृत्यू झाला. वैद्यकीय अहवालानुसार, मृत्यूचे कारण रेबीजचा संसर्ग असल्याचे म्हटले आहे.

या घटनेनंतर परिसरात भीतीचे वातावरण निर्माण झाले आहे. मोकाट कुत्र्यांच्या वाढत्या समस्येवर तातडीने कारवाई करण्याची मागणी स्थानिकांनी केली आहे.

Edited By - Priya Dixit