हृदयद्रावक: पिचकारीने रंग उडवण्यासाठी आला चिमुकला, आजीने नातवावर ओतलं उकळतं पाणी; थरारक व्हिडिओ

नागपूरमधून एक धक्कादायक घटना समोर आली आहे. एका संतापलेल्या वृद्ध महिलेने ४ वर्षाच्या लहान मुलावर उकळते पाणी ओतले.  

Enraged after her four-year-old grandson sprayed paint on her while playing, his grandmother allegedly poured boiling water on the child, causing scalding injuries, in the Koradi area of Nagpur ,India pic.twitter.com/9coTzZwOcH

— Ishitpost (@funn_gus) March 4, 2026

मिळालेल्या माहितीनुसार महाराष्ट्रातील नागपूर जिल्ह्यातील कोराडी भागातून एक धक्कादायक घटना समोर आली आहे. खेळत असताना ४ वर्षाच्या लहान मुलाने महिलेवर रंग शिंपडला. संतापलेल्या वृद्ध महिलेने मुलावर उकळते पाणी ओतले. या घटनेत मुलाला गंभीर दुखापत झाली. मुलाला रुग्णालयात दाखल करण्यात आले आहे. अशी माहिती समोर आली आहे. 

३ मार्च रोजी  या घटनेचा व्हिडिओ समोर आला आहे, जो खूपच भयानक आहे. ४ वर्षीय ओम हरीश वांगे त्याच्या घराबाहेर खेळत होता. तो रंगाने भरलेली पिचकारी घेऊन जात होता आणि खेळत असताना त्याने वृद्ध महिला सिंधू ठाकरे यांच्यावर रंग उडवला. त्याच वेळी, महिला बादलीत उकळते पाणी घेऊन जात होती. संतापलेल्या महिलेने मुलावर उकळते पाणी ओतले, ज्यामुळे तो गंभीरपणे भाजला. या घटनेनंतर कुटुंबीयांनी तात्काळ मुलाला नागपूरच्या एका खाजगी रुग्णालयात दाखल केले. डॉक्टरांच्या म्हणण्यानुसार, मुलाला कंबरेखाली अंदाजे ४५ टक्के भाजले आहे आणि त्याच्यावर उपचार सुरू आहे. घटनेची माहिती मिळताच पोलिसांनी तपास सुरू केला आहे. 

Edited By- Dhanashri Naik