लिओनेल मेस्सीच्या वडिलांचे, दीर्घ आजारानंतर वयाच्या ६८ व्या वर्षी निधन
फुटबॉल जगतातील महान खेळाडूंपैकी एक असलेल्या लिओनेल मेस्सीवर एक मोठे संकट कोसळले आहे. दीर्घ आजारानंतर त्याचे वडील जॉर्ज मेस्सी यांचे वयाच्या ६८ व्या वर्षी निधन झाले आहे. जॉर्ज मेस्सी बऱ्याच काळापासून आजारी होते, त्यामुळे त्यांना रुग्णालयात दाखल करण्यात आले होते.
फिफा विश्वचषक स्पर्धेदरम्यान मेस्सी आपल्या वडिलांच्या प्रकृतीबद्दल खूप चिंतेत दिसला होता. मेस्सीला एक यशस्वी फुटबॉलपटू बनवण्यात त्याचे वडील जॉर्ज यांनी खूप महत्त्वाची भूमिका बजावली होती, तसेच त्यांनी बराच काळ आपल्या मुलाचे एजंट म्हणूनही काम केले होते.
लिओनेल मेस्सीसाठी त्याच्या वडिलांचे निधन हा एक मोठा धक्का आहे, कारण त्याचे वडील, जॉर्ज मेस्सी, यांनी त्याला एक महान फुटबॉलपटू बनवण्यात महत्त्वपूर्ण भूमिका बजावली होती. लहानपणी मेस्सीला ग्रोथ हार्मोनची कमतरता होती, ज्यावर उपचारांची गरज होती.
त्याचे वडील, जॉर्ज, यांनी आपल्या मुलाला आवश्यक उपचार मिळावेत यासाठी कोणतीही कसर सोडली नाही. लहानपणी मेस्सी 'न्यूवेल्स ओल्ड बॉईज' या युवा संघाकडून खेळला होता. २०२६ च्या फिफा विश्वचषकादरम्यान, लिओनेल मेस्सीने सांगितले होते की त्याचे कुटुंब कठीण परिस्थितीतून जात आहे, परंतु त्याने वडिलांच्या प्रकृतीबद्दल कोणतीही विशिष्ट माहिती दिली नव्हती. यानंतर, त्यांच्या कुटुंबाने एक अधिकृत निवेदन जारी केले, ज्यात म्हटले आहे की जॉर्ज मेस्सी सध्या आरोग्याच्या समस्यांशी झुंज देत असून डॉक्टरांच्या देखरेखीखाली रुग्णालयात त्यांच्यावर उपचार सुरू आहेत.
फिफा विश्वचषक २०२६ मध्ये, लिओनेल मेस्सीच्या नेतृत्वाखाली अर्जेंटिनाच्या संघाने अंतिम फेरी गाठली, पण विजेतेपदाच्या सामन्यात स्पेनकडून १-० ने पराभव पत्करावा लागला. विश्वचषकातील अल्जेरियाविरुद्धच्या गट फेरीच्या सामन्यात गोल केल्यानंतर लिओनेल मेस्सी खूप भावूक झाला होता. सामन्यानंतर रडण्याचे कारण विचारले असता, मेस्सीने उत्तर दिले की, "माझ्या रडण्याचा फुटबॉलशी काहीही संबंध नाही, मागचे काही दिवस माझ्यासाठी खूप कठीण होते."
Edited By - Priya Dixit
