आजपासून विम्बलडनची सुरुवात!
रॉजर फेडरर सातव्यांदा जिंकून पीट सॅम्परसशी बरोबरी करणार का? राफेल नदाल, एन्डी मरे, नोव्हाक डोक‍ाव्हिच यांचे आव्हान तो कसा पार करेल? महिला गटात चीनची ली ना दुसर्‍यांदा इतिहास रचणार का? वर्षभरानंतर ग्रॅण्डस्लॅम खेळणार्‍या विल्यम्स भगिनी पुन्हा आपला दबदबा राखणार का? डेन्मार्कची कार्लोइन वोजनियास्की नंबर वन स्थान कायम राखणार का? या असंख्य प्रश्नांची उत्तरे आजपासून सुरू होणार्‍या विम्बलडमधून मिळणार आहेत. गेल्या वर्षी ऑस्ट्रेलियन ओपन जिंकल्यानंतर फेडररला त्यांनतर एक ही ग्रॅण्डस्लॅम जिंकता आलेले नाही. सहा वेळ विम्बल्डन जिंकणारा फेडरर गेल्या वर्षी उपांत्यपूर्व फेरीत हारला होता. फेडररला पुन्हा एकदा नदालकडून कडवे आव्हान मिळू शकते. या शिवाय ऑस्ट्रेलियन ओपन विजेता सार्बिया नोव्हाक आणि यजमानांचा मरेही प्रबळ दावेदार आहेत. तसेच महिला गटात सेरेना आणि व्हीनस कसे पुनरागमन करतात याची उत्सुकता आहे. सेरेनाचे 4 तर व्हीनसने पाच वेळा अजिंक्यपद पटकावले आहे. फ्रेंच ओपन जिंकून इतिहास रचणारी चीनची ली ना आकर्षणाचा केंद्र आहे. भारताचे सर्व मदार पेस आणि भूपती जोडीवर असणार आहे. एकेरीत सोमदेव बर्मन आणि सानिया मिर्झा आपली कामगिरी सुधारण्याचा प्रयत्न करतील. गेल्या वर्षी सोमदेव विम्बल्डनच्या पात्रता फेरीतच गारद झाला होता. सानिया 2008 नंतर ग्रॅण्डस्लॅमच्या दुसर्‍या फेरीतून पुढे जाऊ शकली नाही. रोहन बोपन्ना आणि त्याचा पाकचा जोडीदार एहसाम अल कुरेशीही कामगिरीकडेही लक्ष असणार आहे. सोमदेव दुहेरीत जपानच्या केई निशिकोरीसमवेत उतरणार आहे. सानिया रशियाच्या एलिनासमवेत खेळणार आहे. सानिया-एलीना फ्रेंच ओपनमध्ये उपविजयी ठरल्या होता.
