Last Modified: पॅरिस , शनिवार, 29 ऑक्टोबर 2011 (14:03 IST)
फ्रेंच ओप बॅडमिंटन : सायना बाहेर
ND
भारताची बॅडमिंटनपटू सायना नेहवाल फ्रेंच ओपन बॅडमिंटन स्पर्धेच्या दुसर्या फेरीत हरली. चीनच्या झुरई ली हीने तिला 18-21, 29-30 असे संघर्षपूर्ण सामन्यात हरवल्यामुळे सायनाचे महिला एकेरीतले आव्हान संपुष्टात आले. हा सामना तब्बल 48 मिनिटे चालला होता. या पराभवामुळे लागोपाठ दुसर्या स्पर्धेत सानया दुसर्याच फेरीत बाद झाली आहे.
या आधी डेन्मार्क ओपनमध्ये सायनाचा दुसर्या फेरीत पराभव झाला होता. पुरुष एकेरीत दुसर्या फेरीत पोहोचलेल्या जयराम याचा चीनी खेळाडू झिन चेन याने पराभव केला. तब्बल 46 मिनिटे सुरू असलेल्या सामन्यात जयरामचा 19-21, 14-21 असा पराभव झाला. पराभवामुळे त्याचे पुरुष एकेरीतले आव्हान संपले.