शुक्रवार, 29 मार्च 2024
  1. मराठी बातम्या
  2. खेळ मराठी
  3. क्रीडा वृत्त
Written By
Last Modified: बुधवार, 3 फेब्रुवारी 2016 (11:48 IST)

भारतीय हॉकी कर्णधार सरदार सिंगवर लैंगिक छळाचा आरोप

नवी दिल्ली- एका महिलेने भारतीय हॉकी संघाचा कर्णधार सरदार सिंग विरोधात लैंगिक छळ केल्याची तक्रार दाखल केली आहे. या ब्रिटिश महिलेने लग्नाचे आमिष दाखवून सरदार सिंगने आपला वापर केल्याचा आरोप केला आहे. 
 
पीडित महिला आणि सरदार सिंगचे फोटोही सोशल मीडियावर अपलोड केलेले आहे. दोघ एकमेकांना ओळखत असून पीडित महिलेने मागल्या वर्षी ट्विटरवर सरदार सिंगशी लग्न ठरण्याची बातमीही दिली होती.
 
2012 मध्ये लंडन ऑलिंपिक दरम्यान या 21 वर्षीय पीडित तरुणीची सरदार सिंगबरोबर ओळख झाली होती आणि काही दिवसांनंतर दोघ इंगेज झाले होते. 'इंडियन एक्सप्रेस'शी बोलताना या तरुणीने 2015 मध्ये सरदार सिंगने आपल्याला जबरदस्तीने गर्भपात करायला लावल्याचा आरोपही केला आहे. तिने सांगितले की आम्ही दोघे अधिक जवळ आलो आणि 2015 मध्ये सरदारपासून मी गर्भवती राहिले. पण त्याला मूल नको होते त्यामुळे माझ्या इच्छेविरुध्द जाऊन मला गर्भपात करावा लागला.
 
सरदार सिंगने आपला मानसिक, शारीरिक आणि भावनिक छळ केल्याचा आरोप पीडित महिलेने केला आहे. सरदारने आधी लग्नाचे आश्वासन देऊन नंतर नकार दिला. तिच्याप्रमाणे गर्भपात केल्यानंतर त्याने तिच्याकडे दुर्लक्ष करून तिला सोडून दिले.  
 
पीडित तरुणीचे म्हणणे आहे की सध्या ती तिच्या देशातील दूतावासच्या संपर्कात आहे आणि त्याने तिला पोलिसात लिखित तक्रार नोंदवण्याचा सल्ला दिला आहे.