रॅफेल नदाल व मारिया शारोपावाला विजेतेपद
इंडियन वेल्स ओपन टेनिस स्पर्धेत रविवारी झालेल्या अंतिम सामन्यांमध्ये नदालने ज्युआन मार्टिन डेल पोट्रोचा 4-6, 6-3, 6-4 असा पराभव केला. तर मारिया शारापोवाने कॅरोलिन वॉझनिकी हिचा 6-2, 6-2 असा सरळ दोन सेटमध्ये पराभव केला. दुखापतीतून सावरत पुन्हा मैदानावर परतणाऱ्या नदालने आतापर्यंत खेळलेल्या चार स्पर्धांतील तीन स्पर्धांमध्ये विजेतेपद मिळविले आहे. या सामन्यात पहिला सेट हारणाऱ्या नदालने नंतर जोरदार पुनरागमन करत डेल पोट्रोला संधीच दिली नाही. डेल पोट्रोने उपांत्य फेरीत नोवाक जोकोविचची विजय घोडदौड रोखत अंतिम फेरीत प्रवेश केला होता. मात्र, त्याला अंतिम सामन्यात विजय मिळविता आला नाही. नदालने आता मायामी मास्टर्स टेनिस स्पर्धेत सहभागी न होण्याचा निर्णय घेतला आहे.
