विंबल्डनमधून शारापोवा बाहेर
या वर्षीची विंबल्डन स्पर्धा धक्कादायक पराभवांमुळे व दुखापतींमुळेही गाजत असून फेडररप्रमाणेच स्पेनचा टेनिसपटू रॅफेल नदाल व रशियाच्या मारिया शारापोवा यांनाही स्पर्धेमधून बाहेर पडावे लागले आहे. पोर्तुगालच्या मिशेल लार्चर डी ब्रिटो (जागतिक मानांकन - 131) हिने शारापोवाचा सरळ सेटमध्ये 6-3, 6-4 असा पराभव केला.याबरोबरच, महिलांच्या क्रमवारीत दुसऱ्या स्थानावर असलेल्या व्हिक्‍टोरिया अझारेंका व फ्रान्सचा सहावा मानांकित जो विल्फ्रेड त्सोंगा यांच्यासह सात जणांनी विंबल्डनमधून दुखापतीच्या करणास्तव माघार घेतली आहे.
