सध्याच निवृत्तीचा विचार नाही!
टेनिसच्या निमित्ताने जगभरात फिरून आवडेल ते करण्यात यशस्वी होत असल्याने आपल्या सध्याच निवृत्त होण्याचा कसलाही विचार नाही, असा खुलासा अमेरिकेची स्टार टेनिसपटू सेरेना विलियम्स हिने केला आहे. या वर्षाच्या सुरुवातीला लय प्राप्त करण्यासाठी धडपडणार्‍या 31 वर्षीय सेरेनाने नंतर मात्र चमकदार कामगिरी करीत विम्बल्डन ओपन, अमेरिकन ओपनमधील महिला एकेरीचे विजेतेपद पटकावले, तसेच लंहन ऑलिम्पिकमध्ये महिला एकेरी आणि दुहेरीतही सुवर्णपदक पटकावले. या चमकदार कामगिरीचे फळ गत आठवड्यात तिला मिळाले आणि डब्ल्यूटीएने 'टूर प्लेयर फ द इयर' पुरस्कार देऊन तिला सन्मानित केले. हा पुरस्कार तिने चौथ्यांदा पटकावला. सेरेना म्हणाली, कारकिर्दीची अखेर करण्याचा विचारही माझ्या डोक्यात नाही. टेनिस खेळणे मला आवडते आ णि त्यामुळेच जगातील रोमहर्षक देशांची सफर करण्याची संधीही मला मिळते. सध्या माझी प्रकृती एकदम ठणठणीत असल्यानेही टेनिसमधून निवृत होण्याचा प्रश्नच उद्भवत नाही.
