चहापत्ती खरी आहे की भेसळयुक्त आहे हे या 4 पद्धतीने ओळखा

चहाच्या पानातील भेसळ ओळखण्यासाठी सर्वप्रथम टिश्यू पेपर घ्या.

टिश्यू पेपरवर एक चमचा चहाची पाने टाका, त्यानंतर पानांवर पाण्याचे काही थेंब टाका आणि थोडावेळ उन्हात ठेवा.

सुकल्यानंतर टिश्यू पेपरमधून चहाची पाने काढून टाका. टिश्यू पेपरवर तपकिरी किंवा काळ्या रंगाचे डाग असतील तर चहाची पाने भेसळ असल्याचे समजा.

दुसरी पद्धत म्हणजे एक ग्लास थंड पाणी घ्या आणि त्यात 1-2 चमचे चहाची पाने टाका आणि 1 मिनिट सोडा.

जर पाण्यात चहाच्या पानांचा रंग कमी वेळात पसरत असेल तर पानांमध्ये भेसळ असल्याचे समजावे ,कारण खऱ्या पानातून रंग लवकर निघत नाही.

तिसरी पद्धत म्हणजे तळहातावर चहाची पाने एक ते दोन मिनिटे घासणे. तळहातात कोणताही रंग दिसला तर चहाच्या पानात भेसळ असल्याचे समजावे.

चौथी पद्धत म्हणजे काचेच्या भांड्यात ठेवलेल्या लिंबाच्या रसामध्ये काही चहाची पाने टाका. पानांवर हिरवा किंवा पिवळा वगळता केशरी किंवा इतर रंग सोडल्यास चहाच्या पानात भेसळ असल्याचे समजावे.