गुरूवार, 28 मार्च 2024
  1. मराठी बातम्या
  2. महाराष्ट्र न्यूज
  3. बीबीसी मराठी बातम्या
Written By
Last Modified: बुधवार, 15 जानेवारी 2020 (12:40 IST)

औषधी कंपन्यांबद्दल 'अपमानास्पद' विधानावरून मोदींनी माफी मागावी - IMA

औषध विकत घ्यावेत म्हणून डॉक्टरांना आकर्षित करण्यासाठी औषध कंपन्या बायकांना तिथे नेतात असं विधान कथितरित्या पंतप्रधान नरेंद्र मोदी यांनी केल्याचं प्रकरण इंडियन मेडिकल असोसिएशनने गांभीर्याने घेतलं आहे. पंतप्रधानांनी असं विधान केलं असेल तर त्यांनी माफी मागावी अशी मागणी IMAने एका पत्रकाद्वारे केली आहे.
 
"काही मोठ्या औषध कंपन्यांचे प्रतिनिधी डॉक्टरांना लाच म्हणून बायका पुरवतात असं विधान मोदींनी केल्याच्या काही बातम्या बाहेर आल्या आहेत. जर पंतप्रधानांनी खरंच असं विधान केलं असेल तर आम्ही त्याची गंभीर दखल घेत आहोत," असं IMA ने जारी केलेल्या प्रसिद्धीपत्रकात म्हटलंय.
 
या महिन्याच्या सुरुवातीला प्रमुख औषध कंपन्यांच्या बैठकीत हे विधान केल्याचं सांगण्यात येतं.