Widgets Magazine

आमीर खानचा दंगल चीनच्या अध्यक्षांनाही भावला

अस्ताना -बॉलीवूड अभिनेता आमीर खान याच्या दंगल या चित्रपटाने चीनमधील प्रेक्षकांवर मोहिनी घातली आहे. त्याला खुद्द चीनचे अध्यक्ष शि जिनपिंग हेही अपवाद ठरलेले नाहीत.
जिनपिंग आणि पंतप्रधान नरेंद्र मोदी यांची आज येथे भेट झाली. या भेटीत जिनपिंग यांनी दंगल चित्रपट पाहिल्याचे आणि तो भावल्याचे मोदींना आवूर्जन सांगितले. चीनमध्ये 5 मे यादिवशी दंगल प्रदर्शित करण्यात आला. त्या देशातील 7 हजार स्क्रिन्सवर अजूनही तो झळकत आहे. त्या चित्रपटाने चीनमध्ये आतापर्यंत तब्बल 1 हजार 100 कोटी रूपयांचा गल्ला जमवला आहे. चीनी चित्रपटसृष्टीतील अनेक विक्रम दंगलने मोडीत काढले आहेत. एवढी कमाई करणारा तो चीनमधील 33 वा तर पहिलाच बिगरहॉलीवूड चित्रपट ठरला आहे.


यावर अधिक वाचा :