IPL 2024 : हार्दिक पांड्याला BCCI ने दंड ठोठावला
18 एप्रिल रोजी मुंबई इंडियन्स आणि पंजाब किंग्ज यांच्यात एक रोमांचक सामना पाहायला मिळाला. ज्यात हार्दिक पांड्याच्या मुंबईने 9 धावांनी विजय मिळवला. या मोसमातील मुंबईचा हा तिसरा विजय आहे. मात्र, या विजयानंतर मुंबईचा कर्णधार हार्दिक पांड्याला शिक्षा झाली आहे.
त्यानंतर भारतीय क्रिकेट नियामक मंडळाने (बीसीसीआय) पांड्याला दंड ठोठावला आहे. या सामन्यात पुन्हा एकदा हार्दिक पांड्याची कामगिरी काही खास नव्हती. हार्दिकने फलंदाजी करताना केवळ 10 धावा केल्या होत्या, याशिवाय गोलंदाजी करताना त्याला एक यश मिळाले.
खरं तर, पंजाब किंग्जविरुद्ध संथ ओव्हर रेटने गोलंदाजी केल्याबद्दल मुंबई इंडियन्स दोषी आढळले होते. यानंतर संघाचा कर्णधार हार्दिक पांड्याला 12 लाख रुपयांचा दंड ठोठावण्यात आला आहे. या हंगामात पहिल्यांदाच मुंबईने संथ ओव्हर रेटने गोलंदाजी केली. सामन्यादरम्यान कोणत्याही संघाने संथ गतीने षटक टाकल्यास त्याच्या कर्णधाराला 12 लाखांचा दंड ठोठावला जातो.
मुंबई इंडियन्सने पंजाबविरुद्ध हंगामातील तिसरा विजय मिळवला.मुंबईच्या विजयात सूर्यकुमार यादव, जसप्रीत बुमराह आणि जेराल्ड कोएत्झी चमकले. प्रथम फलंदाजी करताना सूर्यकुमार यादवने 78 धावांची शानदार खेळी केली. यानंतर गोलंदाजीत जसप्रीत बुमराहने 4 षटकात 21 धावा देत 3 बळी घेतले. तर जेराल्डने 4 षटकात 32 धावा देत 3 बळी घेतले. सध्या मुंबई इंडियन्स संघ गुणतालिकेत सातव्या स्थानावर आहे.
Edited By- Priya Dixit
