Widgets Magazine
Widgets Magazine

नटण्याचे आकर्षण स्त्रियांपेक्षा पुरुषांना अधिक

beauty
लंडन| वेबदुनिया|
वयात आले की मुलींना नटण्यामुरडण्याविषयी वाटायला लागते. मुली, स्त्रियांना नटायला, सुंदर दिसायला खूप आवडते, असे सर्वसाधारण मानले जाते. किंबहुना स्त्रियाच या क्षेत्रात अग्रेसर असल्याचे दाखले दिले जातात.
नऊला बाहेर जायचे असेल तर बायकोला सातची वेळ द्यावी लागते, तर तिचे नऊपर्यंत आवरते, अशा शब्दात त्यांची टिंगलही केली जाते, पण पुरुष वाचकांनो, ही आवड फक्त महिला, मुलींनाच नसते, तर पुरुषांनाच अधिक असते, असे संशोधन सांगते.

दिवसभरात पुरुष मंडळ आंघोळ, दाढी, केस विंचरणे, कपडे परिधान करणे यासाठी तब्बल 81 मिनिटे खर्च करतात. तर महिला हे सगळी फक्त 75 मिनिटांत आवरतात.

सुंदर दिसण्यासाठी मेकअप करणे आलेच. महिलांना यासाठी 9 मिनिटे पुरतात. तर पुरुषांना मात्र एक मिनीट जास्तीत लागतो. कपडे निवडण्यातही महिलाच वेगवान आहेत. 10 मिनिटांत महिला कपडे निवडू शकतात. तर यासाठी पुरुषांना 13 मिनिटे लागतात, असे या ब्रिटनमधील पाहणीतून स्पष्ट झाले आहे. तेव्हा यापुढे सावधान... महिलांना त्यांच्या नटण्यावरून काही बोलू नका. नाहीतर ही आकडेवारी तुमच्या तोंडावर फेकली जाईल.


यावर अधिक वाचा :