पेट्रोल 15 रुपये लिटर मिळणार का ? केंद्रीय मंत्री गडकरींनी मोठं विधान केलंय
Petrol Price in India Could Drop to Rs 15/L देशातील बहुतांश शहरांमध्ये पेट्रोलच्या दराने 100 रुपयांचा टप्पा ओलांडला आहे. दरम्यान केंद्रीय मंत्री नितीन गडकरी यांनी राजस्थानच्या प्रपातगडमध्ये सांगितले की, जर सरासरी 40 टक्के वीज आणि 60 टक्के इथेनॉल पकडले तर पेट्रोलची किंमत 15 रुपये प्रतिलिटर होईल.
गडकरी म्हणाले की, शेतकरी हा केवळ अन्नदाता नसून ऊर्जा देणाराही आहे, असे आमचे सरकार मानते. आता सर्व वाहने शेतकऱ्यांनी तयार केलेल्या इथेनॉलवरच चालतील.
सरासरी 60 टक्के इथेनॉल आणि 40 टक्के वीज घेतल्यास पेट्रोलचे दर प्रतिलिटर 15 रुपयांपर्यंत खाली येतील, असे ते म्हणाले. त्याचा लाभ लोकांना मिळेल. एवढेच नाही तर प्रदूषणाबरोबरच आयातही कमी होईल. सध्या देशात 16 लाख कोटी रुपयांचे पेट्रोल आयात केले जाते, हा पैसा शेतकऱ्यांच्या घरी जाणार आहे.
गडकरी म्हणाले की, आज विमानाचे इंधनही शेतकरीच बनवत आहेत, हे आमच्या सरकारचे आश्चर्य आहे.
गडकरींच्या वक्तव्यावर अनेकांचा विश्वास बसत नसून हे कसे शक्य होईल, असे त्यांचे म्हणणे आहे.
