IndvsAus : विहारी-अश्विनने खिंड लढवली; सिडनी टेस्ट अर्निणित

Last Modified सोमवार, 11 जानेवारी 2021 (15:52 IST)
दुखापती आणि भेदक मारा यांची पर्वा न करता टीम इंडियाने ऑस्ट्रेलियाविरुद्धची सिडनी टेस्ट अर्निणित केली. हनुमा विहारी आणि रवीचंद्रन अश्विन यांनी तीन तासापेक्षा जास्त वेळ किल्ला लढवत खिंड लढवली.
ही टेस्ट अर्निणित झाल्याने सीरिज 1-1 बरोबरीत आहे. अॅडलेड टेस्ट ऑस्ट्रेलियाने तर मेलबर्न टेस्ट भारताने जिंकली होती. चौथी टेस्ट ब्रिस्बेन इथे होणार आहे.

पाचव्या दिवशी 96/2 वरून पुढे खेळणाऱ्या टीम इंडियाने कर्णधार अजिंक्य रहाणेला झटपट गमावलं. मात्र त्यानंतर चेतेश्वर पुजारा आणि ऋषभ पंत यांनी मॅरेथॉन भागीदारी रचत ऑस्ट्रेलियाला अडचणीत टाकलं.

पुजाराने अभेद्य बचाव आणि ऋषभने आक्रमक पवित्रा स्वीकारला. पंतने 97 रन्सची वादळी खेळी केली. पंत बाद झाल्यानंतर टीम इंडियाने पुजारालाही गमावलं. टीम इंडियाचा पराभव दिसू लागला होता.
मात्र हनुमा विहारी आणि रवीचंद्रन अश्विन यांनी ऑस्ट्रेलियाच्या तिखट माऱ्याला तोंड देत दुखापतींवर मात करत साडेतीन तास चिवटपणे लढत दिली. या दोघांनी सहाव्या विकेटसाठी बॉल खेळून काढले. मांडीच्या स्नायूंना झालेल्या दुखापतीमुळे विहारीला धावता येत नव्हतं. ऑस्ट्रेलियाच्या बॉलर्सनी अश्विनला बाऊन्सरने लक्ष्य केलं.

या दोघांनी सहाव्या विकेटसाठी 259 बॉल खेळून काढत 62 रन्स केल्या आणि मॅच वाचवली.
हाताला दुखापत झालेली असूनही बॅटिंगला येणाऱ्या ऋषभ पंतने सिडनी टेस्टमध्ये आक्रमक खेळी करत टीम इंडियाच्या आशा पल्लवित केल्या. 97 रन्सची खेळी करून ऋषभ बाद झाला. मात्र अजूनही टीम इंडियाला ही टेस्ट जिंकता येऊ शकतं.

ऑस्ट्रेलियाने दिलेलं 407 रन्सच्या लक्ष्यासमोर खेळताना टीम इंडियाने चौथ्या दिवसअखेर 98/2 अशी मजल मारली होती.

पाचव्या दिवशी कर्णधार अजिंक्य रहाणेला नॅथन लियॉनने बाद केलं. यानंतर संघव्यवस्थापनाने हनुमा विहारीऐवजी ऋषभ पंतला पाठवण्याचा निर्णय घेतला. पहिल्या डावात बॅटिंग करताना ऋषभच्या हाताला दुखापत झाली होती. त्याने कीपिंगही केलं नव्हतं. त्याच्याऐवजी वृद्धिमान साहाने कीपिंग केलं होतं.
पेनकिलर गोळ्या घेऊन खेळत असलेल्या ऋषभने सुरुवातीला बचावात्मक पवित्रा स्वीकारला मात्र थोड्याच वेळात ऑस्ट्रेलियाच्या बॉलर्सवर आक्रमणाला सुरुवात केली. ऋषभच्या आक्रमणाने ऑस्ट्रेलियाचे बॉलर्स गोंधळून गेल्याचं चित्र पाहायला मिळालं.

ऋषभने 118 बॉलमध्ये 12 चौकार आणि 3 षटकारांसह 97 रन्सची सनसनाटी खेळी केली. नॅथन लियॉनने त्याला बाद केलं. ऋषभ-पुजारा जोडीने चौथ्या विकेटसाठी 148 रन्सची महत्त्वपूर्ण भागीदारी केली.
ऑस्ट्रेलिया दौऱ्यात टेस्टमध्ये शतक करण्याचा विक्रम ऋषभ पंतच्याच नावावर आहे. दोन वर्षांपूर्वी ऋषभने सिडनीतच 159 खेळी केली होती.
टेस्ट सीरिजपूर्वी झालेल्या सराव सामन्यातही ऋषभने सिडनीतच शतक झळकावलं होतं.

टेस्ट क्रिकेटमध्ये 400पेक्षा जास्त रन्सचा पाठलाग चारवेळा झाला आहे. दक्षिण आफ्रिकेने ऑस्ट्रेलियातच 414 रन्स केल्या होत्या.

दरम्यान सिडनी टेस्टमध्ये ऑस्ट्रेलियाने पहिल्या डावात 338 रन्स केल्या. स्टीव्हन स्मिथने 131 रन्सची शतकी खेळी केली. स्मिथचं हे 27वं शतक आहे. मार्नस लबूशेनने 91 तर विल प्युकोव्हस्कीने 62 रन्सची खेळी केली. रवींद्र जडेजाने 4 विकेट्स घेतल्या.
प्रत्युत्तरादाखल खेळताना, टीम इंडियाचा डाव 244 रन्समध्येच आटोपला. शुभमन गिल आणि चेतेश्वर पुजारा यांनी प्रत्येकी 50 रन्सची खेळी केली. ऑस्ट्रेलियातर्फे पॅट कमिन्सने 4 विकेट्स घेतल्या.

ऑस्ट्रेलियाने चौथ्या दिवशी 312/6वर डाव घोषित केला. मार्नस लबूशेनने 73, स्टीव्हन स्मिथने 81 तर कॅमेरुन ग्रीनने 84 रन्सची खेळी केली. ऑस्ट्रेलियाने टीम इंडियाला 407 रन्सचं लक्ष्य दिलं.

अॅडलेड टेस्टमध्ये भारतीय संघावर नीचांकी धावसंख्येची नामुष्की ओढवली होती. या टेस्टमध्ये पराभवानंतर, टीम इंडियाने मेलबर्न टेस्ट जिंकत मालिकेत 1-1 बरोबरी केली.
चौथ्या दिवशी प्रेक्षकांमधून करण्यात आलेल्या आक्षेपार्ह उद्गारांमुळे थांबवण्यात आली. कारवाईनंतर खेळ पुन्हा सुरू करण्यात आला.

ऑस्ट्रेलियाची दुसरी इनिंग सुरू असताना, बुमराह 21वी ओव्हर टाकायला घेणार तेव्हा खेळ थांबवण्यात आला.

बाऊंड्रीजवळ फिल्डिंग करणाऱ्या मोहम्मद सिराजने कर्णधार अजिंक्य रहाणेशी संपर्क साधला. रहाणेने अंपायर्सशी चर्चा केली. मैदानावरील अंपायर पॉल रायफेल आणि पॉल विल्सन यांनी फोर्थ अंपायर आणि सुरक्षारक्षकांशी संपर्क केला. सुरक्षायंत्रणांनी मैदानातील सहा प्रेक्षकांना बाहेर काढलं.
वंशभेदी तसंच कोणत्याही स्वरुपाची आक्षेपार्ह टिप्पणी, शेरेबाजी यांना क्रिकेट ऑस्ट्रेलिया जराही थारा देत नाही. असे प्रकार आम्ही कदापि खपवून घेणार नाही. अपमान आणि विचलित करणाऱ्या उद्गरांना जराही स्थान नाही असं क्रिकेट ऑस्ट्रेलियाचे इंटिग्रिटी आणि सेक्युरिटी विभागाचे प्रमुख शॉन कॅरोल यांनी म्हटलं आहे.

सिडनीत भारतीय खेळाडूंना उद्देशून प्रेक्षकांमधील काही व्यक्तींनी वंशभेदी शेरेबाजी केली. अशा स्वरुपाच्या वर्तनाचा आम्ही तीव्र निषेध करतो. तुम्ही वंशभेदी शेरेबाजी करणार असाल तर ऑस्ट्रेलियाच्या क्रिकेटला तुमची आवश्यकता नाही.
यासंदर्भात आयसीसीची कार्यवाही पूर्ण होण्याच्या आम्ही प्रतीक्षेत आहोत. आक्षेपार्ह उद्गार काढणाऱ्या व्यक्तींची ओळख पटल्यानंतर क्रिकेट ऑस्ट्रेलिया यासंदर्भात कठोर कारवाई करेल. या प्रेक्षकांना मैदानात प्रवेशबंदी होऊ शकते. अधिक कारवाईसाठी हे प्रकरण न्यू साऊथ वेल्स पोलिसांकडे सोपवण्यात येईल.

मालिकेचे आयोजक म्हणून, भारतीय क्रिकेट संघातील आमच्या मित्रांची आम्ही माफी मागतो. याप्रकरणी दोषींवर कठोर कारवाई केली जाईल याची आम्ही हमी देतो असं क्रिकेट ऑस्ट्रेलियाने जारी केलेल्या पत्रकात म्हटलं आहे.
तिसऱ्या दिवशी मोहम्मद सिराज आणि जसप्रीत बुमराह यांनी प्रेक्षकांमधून वंशभेदी टिप्पणी झाल्याची तक्रार केली होती. भारतीय संघव्यवस्थापनाने यासंदर्भात तक्रार दाखल केली होती.


यावर अधिक वाचा :

Mi 10i आज 108 मेगापिक्सेल कॅमेर्‍यासह भारतात लॉन्च होईल! ...

Mi 10i आज 108 मेगापिक्सेल कॅमेर्‍यासह भारतात लॉन्च होईल! किंमत किती असेल जे जाणून घ्या
शाओमी (Xiaomi) 2021 च्या पहिल्या व्हर्च्युअल लाँच इव्हेंटसाठी सज्ज आहे. कंपनी आज (5 ...

New Covid lockdown in England: नवीन कोरोना विषाणूच्या ...

New Covid lockdown in England: नवीन कोरोना विषाणूच्या वाढत्या घटनांच्या पार्श्वभूमीवर पुन्हा ब्रिटनमध्ये कडक लॉकडाउन लागू करण्यात आला
बोरिस जॉनसन यांनी लोकांना या घोषणेसह घरी राहण्याचे आवाहन केले. लॉकडाऊनच्या घोषणेनंतर आता ...

लॉकडाउननंतर मद्यपान करणार्‍यांची संख्या दुप्पट, रूग्णालयात ...

लॉकडाउननंतर मद्यपान करणार्‍यांची संख्या दुप्पट, रूग्णालयात 48.5 टक्के रुग्ण पोहोचले
कोरोना साथीच्या चिंतेमुळे एकीकडे लोक स्वत:ला घरातच कैद करू लागले. दुसरीकडे, लोकांनीही ...

बारावीच्या परीक्षेचे अर्ज भरण्यास मुदतवाढ

बारावीच्या परीक्षेचे अर्ज भरण्यास मुदतवाढ
राज्य मंडळातर्फे घेण्यात येणार्‍या बारावीच्या परीक्षेचे अर्ज भरण्यास १५ डिसेंबरपासून ...

गजबजलेल्या रस्त्यावर एकतर्फी प्रेमातून २२ वर्षीय तरुणीची ...

गजबजलेल्या रस्त्यावर एकतर्फी प्रेमातून २२ वर्षीय तरुणीची हत्या
मुंबईच्या गजबजलेल्या रस्त्यावर एका तरुणाने एकतर्फी प्रेमातून २२ वर्षीय तरुणीची हत्या करत ...

आयपीएल 2021 : 18 फेब्रुवारीला खेळाडूंचा लिलाव होण्याची ...

आयपीएल 2021 : 18 फेब्रुवारीला खेळाडूंचा लिलाव होण्याची शक्यता
इंडियन प्रीमियर लीग (आयपीएल) 2021 च्या हंगामासाठी खेळाडूंचा लिलाव 18 फेब्रुवारीला ...

भारतीय चाहत्यांना मिळणार क्रिकेट स्टेडियममध्ये प्रवेश

भारतीय चाहत्यांना मिळणार क्रिकेट स्टेडियममध्ये प्रवेश
50 टक्के दर्शकांना प्रवेश देण्यावर विचार

वाचा, त्यामुळे टीम इंडियाला विलीगिकरणातून सूट मिळाली

वाचा, त्यामुळे टीम इंडियाला विलीगिकरणातून सूट मिळाली
शरद पवारांच्या मध्यस्थीनंतर टीम इंडियाला विलीगिकरणातून सूट मिळाली आहे. शरद पवार यांनी ...

India vs England: भारतीय संघाला मोठा झटका, रवींद्र जडेजा ...

India vs England: भारतीय संघाला मोठा झटका, रवींद्र जडेजा इंग्लंडविरुद्धच्या कसोटी मालिकेतून बाहेर
इंग्लंडविरुद्धच्या घरेलू कसोटी मालिकेत भारतीय अष्टपैलू रवींद्र जडेजा बाहेर झाला आहे. ...

INDvsAUS: शशी थरूर यांनी टीम इंडियाच्या विजयावर ट्विट करत ...

INDvsAUS: शशी थरूर यांनी टीम इंडियाच्या विजयावर ट्विट करत खास शब्दासाठी ट्विट झाले वायरल
भारत-ऑस्ट्रेलिया दरम्यान खेळल्या गेलेल्या बॉर्डर-गावसकर कसोटी मालिकेत टीम इंडियाने शानदार ...