संघाचा अडवानींना पुन्हा निवृत्तीचा सल्ला!

mohan bhagwat
नवी दिल्‍ली| वार्ता|
PR
भाजपमधील पेचप्रसंग सोडविण्यात आपली काहीच भूमिका नाही हे स्पष्ट करतानाच भाजपच्या दैनंदिन कामकाजात संघ कोणताही थेट हस्तक्षेप करण्यास इच्छुक नाही, असे सरसंघचालक मोहन भागवत यांनी आज येथे स्पष्ट केले. मात्र, भाजपने सर्वोच्च नेतृत्वासाठी वयाची अट घालून घ्यावी असा सल्ला देताना लालकृष्ण अडवानी यांनी आता निवृत्त व्हावे हेही भागवतांनी अप्रत्यक्षपणे सुचविले.

भाजपमधील अंतर्गत मतभेदांच्या पार्श्वभूमीवर श्री. भागवत यांची दिल्लीतील पहिलीच पत्रकार परिषद आज संघटनेच्या 'केशव कुंज' या कार्यालयात पार पडली. तीत भाजपमधील यादवीबाबत भागवत काही बोलतील अशी अपेक्षा होती. मात्र, त्यांनी अत्यंत सावधगिरीने काठाकाठावरूनच प्रश्नांची उत्तरे दिली.

'संघ भाजपच्या कामकाजात हस्तक्षेप करत नाही. कामकाज करण्याची भाजपची स्वतःची यंत्रणा आहे. पण पक्षाने सल्ला मागितल्यास मात्र तो देण्यास संघ तयार आहे, असे भागवत म्हणाले. अर्थात, कोणताही सल्ला आपणहून देण्यास आम्ही उत्सुक नसतो. सल्ला देणे हे काही संघाचे काम नाही, हे सांगायलाही ते विसरले नाहीत.
कंदाहार प्रकरणाच्या वादाबद्दलही मतप्रदर्शन करण्याचे त्यांनी टाळले.

संघाने आता भाजपमध्ये हस्तक्षेप करण्याची गरज आहे, या ज्येष्ठ पत्रकार आणि नेते अरूण शौरी यांच्या मताबद्दल विचारले असता, श्री. शौरी हे अतिशय आदरणीय आणि ज्येष्ठ विचारवंत आहेत. त्यांनी इतरांविषयी काय मतप्रदर्शन केले त्यावर मी माझे मत मांडू इच्छित नाही. पण पक्षाला चर्चा कराविशी वाटत असल्यास संघ नेहमीच त्यांच्या मदतीला धावून जाईल, असे भागवतांनी स्पष्ट केले.
अडवानींनी आता निवृत्ती स्वीकारावी काय या प्रश्नावर थेट उत्तर न देता, भाजपने आता सर्वोच्च नेतृत्वासाठी वयाची मर्यादा घालून घ्यायला हवी. ५५ ते ६० हे संघाचे सर्वोच्च पदासाठीचे सरासरी वय आहे. भाजपसाठी ही मर्यादा कोणती असावी हे त्यांनी ठरवायचे आहे, असे सांगत त्यांनी नेतृत्वबदलाचा चेंडू भाजपच्या कोर्टात ढकलला.

तत्‍पूर्वी, गुरुवारी भाजपाध्यक्ष राजनाथ सिंह आणि पक्षाचे ज्‍येष्ठ नेते मुरली मनोहर जोशी भागवत यांची वेगवेगळी भेट घेतली. शुक्रवारी सकाळी भाजपा खासदार वरुण गांधी आणि पक्षाचे प्रवक्ते प्रकाश जावड़ेकर यांनीही त्यांची भेट घेतली.
भाजपच्या शिमल्यातील चिंतन बैठकीपूर्वी भागवत यांनी एका मुलाखतीत, भाजपमध्ये बेशिस्त वाढली आहे आणि त्यासाठी युवा नेतृत्व या पक्षात येणे गरजेचे असल्याचे मत मांडले होते. परंतु, त्यानंतर राजनाथ सिंह यांनी अडवानी हेच भाजपचे नेते म्हणून यापुढेही रहातील, असे स्पष्ट केले होते. तसा ठरावही या चिंतन बैठकीत मंजूर झाला होता. मात्र, जसवंतसिंह यांच्या हकालपट्टीने सगळीच गणिते बिघडली.
जसवंतसिहांपाठोपाठ अरूण शौरी, यशवंत सिन्हा, सुधींद्र कुलकर्णी, उत्तरांचलचे माजी मुख्यमंत्री खंडुरी, माजी राष्ट्रीय सुरक्षा सल्लागार ब्रजेश मिश्रा यांनी अडवानींवर हल्ला चढविला. त्यामुळे आता खुद्द अडवानी आणि राजनाथसिंह यांचेच स्थान आता धोक्यात आले आहे. यातून मार्ग काढण्यासाठी संघच काही मदत करू शकेल, अशी भाजपमधील नेत्यांची आता भावना झाली आहे.


यावर अधिक वाचा :

फुलाफुलात हासते मराठी

फुलाफुलात हासते मराठी
लाभले आम्हास भाग्य बोलतो मराठी लाभले आम्हास भाग्य बोलतो मराठी जाहलो खरेच धन्या एक तो ...

आता ATM मधून नाही मिळणार 2 हजार रुपयाची नोट

आता ATM मधून नाही मिळणार 2 हजार रुपयाची नोट
आता ATM मशीन्समधून दोन हजार रुपयाच्या नोटा काढता येणार नाहीत. लवकरच एक महत्वाचा बदल होणार ...

जिओने युजर्सासाठी दोन नवीन प्लॅन केले लाँच

जिओने युजर्सासाठी दोन नवीन प्लॅन केले लाँच
रिलायन्स जिओने युजर्सासाठी दोन नवीन प्लॅन लाँच केले आहेत. या प्लॅनची किंमत 49 रुपये आणि ...

मराठी टिकवणे आपल्या हातात आहे, आपण हे सहज करु शकता

मराठी टिकवणे आपल्या हातात आहे, आपण हे सहज करु शकता
दरवर्षी 27 फेब्रुवारी (मराठी दिन) आणि 1 मे (महाराष्‍ट्र दिन) या दिवशी आपण मराठी असल्‍याचा ...

किचन साफ ठेवण्यासाठी महत्त्वाच्या टिप्स

किचन साफ ठेवण्यासाठी महत्त्वाच्या टिप्स
घरातील सगळ्यात महत्त्वाची खोली म्हणजे किचन. घराचे किचन हे सर्व महिलांसाठी खास असते. काही ...

वारिस पठाण यांना कलबुर्गी पोलिसांकडून नोटीस

वारिस पठाण यांना कलबुर्गी पोलिसांकडून नोटीस
एमआयएमचे माजी आमदार वारिस पठाण यांना कर्नाटकातील कलबुर्गी पोलिसांनी नोटीस बजावली आहे. या ...

दिल्लीत पोलिसांवर कारवाई, पाच बड्या अधिकाऱ्यांना बसला फटका

दिल्लीत पोलिसांवर कारवाई, पाच बड्या अधिकाऱ्यांना बसला फटका
ईशान्य दिल्लीत गेल्या चार दिवसांपासून हिंसाचार सुरु असून याचा फटका दिल्लीतील पाच बड्या ...

राजस्थानमध्ये लग्नाच्या वर्‍हाडाची बस नदीत कोसळली, 24 ठार

राजस्थानमध्ये लग्नाच्या वर्‍हाडाची बस नदीत कोसळली, 24 ठार
राजस्थानमध्ये लग्नाचं वऱ्हाड घेवून निघालेली एक बस नदीत कोसळल्याने 24 जणांचा मृत्यू झाला ...

दिल्ली हिंसाचार थांबवण्याची जवाबदारी अजित डोवाल

दिल्ली हिंसाचार थांबवण्याची जवाबदारी अजित डोवाल
दिल्लीत सुरु असलेल्या हिंसाचाराच्या पार्श्वभूमीवर राष्ट्रीय सुरक्षा सल्लागार अजित डोवाल ...

दिल्ली हिंसाचार पूर्वनियोजित कटाचा भाग: सोनिया गांधी

दिल्ली हिंसाचार पूर्वनियोजित कटाचा भाग: सोनिया गांधी
दिल्लीत झालेल्या हिंसाचाराला केंद्रीय गृहमंत्री अमित शाह यांनी जबाबदारी स्वीकारुन तात्काळ ...