Skyroot Rocket : देशातील पहिले खाजगी रॉकेट आज प्रक्षेपित होणार
Skyroot Maiden Rocket Vikram S Launch: देशातील पहिले खाजगी रॉकेट विक्रम-एस 18 नोव्हेंबर रोजी आंध्र प्रदेशातील श्रीहरिकोटा येथून प्रक्षेपित केले जाईल. भारतीय अंतराळ संशोधन संस्था (ISRO) शुक्रवारी सकाळी 11.30 वाजता स्पेस स्टार्टअप स्कायरूट एरोस्पेसने विकसित केलेले रॉकेट प्रक्षेपित करण्यासाठी सज्ज आहे. खराब हवामानामुळे रॉकेटचे पहिले सबऑर्बिटल प्रक्षेपण 15 नोव्हेंबर ते 18 नोव्हेंबर या कालावधीत पुन्हा शेड्यूल करण्यात आले, असे स्कायरूटने सांगितले.
श्रीहरिकोटा येथील भारतीय अंतराळ संशोधन संस्थेच्या (इस्रो) लाँच पॅडवरून याचे प्रक्षेपण केले जाईल. स्कायरूटसाठी हे मिशन एक महत्त्वाचा टप्पा मानला जातो, कारण पुढील वर्षी प्रक्षेपणासाठी नियोजित असलेल्या विक्रम-1 ऑर्बिटल व्हेइकलमध्ये वापरल्या जाणार्‍या 80 टक्के तंत्रज्ञानाची पडताळणी करण्यात मदत होईल.
इंडियन स्पेस रिसर्च ऑर्गनायझेशन (ISRO) चे अध्यक्ष एस सोमनाथ म्हणाले की, 100 स्टार्ट-अप्सनी स्पेस टेक्नॉलॉजी आणि इनोव्हेशनच्या क्षेत्रात इस्रोसोबत काम करण्यासाठी करार केले आहेत.
Edited By - Priya Dixit
