नागपुर मध्ये फोरेक्स ट्रेडिंग फ्रॉड मध्ये महिला डॉक्टरला अटक, बनावट वेबसाइट बनवून केली गुंतवणूक
बनावट वेबसाइट माध्यमातून लोकांकडून फोरेक्स ट्रेडिंगच्या नावावर 2। 59 करोड रुपयांचा घोटाळा करण्याच्या आरोपाखाली आर्थिक अपराध अन्वेषण शाखा (ईओडब्ल्यू) ने एक महिला डॉक्टरला अटक केली आहे. अटक करण्यात आलेली डॉक्टर प्रीति नीलेश राऊत असे या महिलेचे नाव असून ती वर्धा ची राहणारी आहे.
फेब्रुवारी महिन्यामध्ये पोलिसांनी विक्रम बजाज नावाच्या व्यापारीच्या तक्रारारिवर सेलू, वर्धा राहणार सूरज मधुकरराव सावरकर, सुरेंद्र मधुकरराव सावरकर, दहीसर मुंबई निवासी विराज सुहास पाटिल, प्रीतिचे पति डॉ. नीलेश नरेशराव राऊत, जालंधर पंजाब निवासी प्रियंका खन्ना, पीआर ट्रेडर्सचे संचालक प्रिन्स कुमार, एमआर ट्रेडर्स चे संचालक राकेश कुमार सिंह, टीएम ट्रेडर्स चे संचालक अमन ठाकुर, आरके ट्रेडर्स चे संचालक राहुल कुमार अकेला, मिलन इंटरप्राइजेस ठाणे आणि ग्रीनवैली एग्रो कोलकाता चे विरुद्ध फसवणूक, आईटी एक्ट आणि एमपीआईडी एक्ट सोबत विविध कलम अंर्तगत गुन्हा नोंदवला आहे. सूरज सावरकर ने आईएक्स ग्लोबल अकॅडमी प्रा. लि. कंपनी ची स्थापना केली. इतर आरोपींच्या मदतीने आपले नेटवर्क पसरविले.
या अकॅडमी व्दारा लोकांना ऑनलाइन फोरेक्स ट्रेडिंग, शेयर ट्रेडिंग आणि क्रिप्टो मार्केटचे प्रशिक्षण दिले जात होते. विक्रम आणि त्यांचे मित्र आरोपींशी संपर्क केला. कथित आरोपींनी गुंतवणुकीवर प्रत्येक महिन्याला 5 से 15 प्रतिशत फायदा होण्याचे आश्वासन दिले. गुंतवणूक करणाऱ्यांकडून उपरोक्त संस्थांच्या खात्यामध्ये एकूण 2.59 करोड रुपये जमा केले. आरोपींची टीपी ग्लोबल आणि एफएक्स नावाची वेब पोर्टल वर शेयर ची खरेदी आणि विक्री दिसत होती. पण वास्तविक कोणतीही गुंतवणूक होत नव्हती. जेव्हा रक्कम विड्रॉल करण्याची वेळ आली तेव्हा फसवणूक झाल्याचे समोर आले. व गुन्हा नोंदवण्यात आला. या प्रकरणामध्ये प्रीति राऊत यांची भूमिका समोर आली आहे. रविवारी पोलिसांनी प्रीतीला वर्धा मधून अटक केली. व सोमवारी न्यायालयात उपस्थित करण्यात आले. न्यायालयाने पाच दिवसांची पोलीस कस्टडी दिली आहे.
