Feedback
Print
विकास शिरपूरकर
नक्षलवाद्यांचे 'लाड' आणखी किती दिवस? 
 | ||
|
कधी चंद्रपूर, कधी राजनांदगाव तर कधी लालगढ... सुरक्षा दलावर सारखे हल्ले होतच आहेत. आणि सरकार मूग गिळून प्रत्येक वेळला शहीद जवानांची आकडेवारी जाहीर करणे आणि त्यांना श्रध्दांजली अर्पण करण्याव्यतिरिक्त भरीव असे काहीही करीत नाही. हे लज्जास्पद आहे.
| |
वंचितांच्या आणि शोषितांच्या हक्कासाठी भूमिहीनांनी सुरू केलेला हा संघर्ष आज आपला मूळ उद्देश विसरून दहशतवादी मार्गाकडे वळला आहे. पश्चिम बंगालमध्ये सुरू झालेल्या या संघर्षाने आज देशातील 15 राज्यांमध्ये आपली पाळेमुळे घट्ट रोवली आहेत. कधी छत्तीसगढ तर कधी चंद्रपूर, गडचिरोली आणि कधी झारखंड, ओरीसा.... रोजच हे नक्षलवादी रक्तरंजित होळी खेळत आहेत आणि सरकारी यंत्रणांना वेठीस धरत आहेत.
 | ||
|
झारखंडच्या धमतारी जिल्ह्यात 12 पोलीस कर्मचा-यासह एक बस चालकाची हत्या झाल्याच्या घटनेस 16 तास उलटल्यानंतरही पोलीस मुख्यालयाला याची साधी कल्पनाच असू नये म्हणजे काय. हीच का आपली संपर्क यंत्रणा आणि सुरक्षा व्यवस्था?