कोरोना लस : पहिल्या 10 कोटी डोसची प्रत्येकी किंमत 200 रुपये - अदर पूनावाला

Last Modified मंगळवार, 12 जानेवारी 2021 (16:15 IST)
पुण्यातील सीरम इन्स्टिट्यूटनं तयार केलेल्या 'कोव्हिशिल्ड' या कोरोनावरील लशीच्या एका डोसची किंमत 200 रुपये असेल. सीरम इन्स्टिट्यूट ऑफ इंडियाचे (SII) मालक अदर पूनावाला यांनी ही माहिती एएनआय वृत्तसंस्थेला दिली.
अदर पूनावाला लशीच्या किंमतीबाबत म्हणाले, "कोरोनावरील लशीच्या पहिल्या 10 कोटी डोसची प्रत्येकी किंमत 200 रुपये आहे. मात्र, ही किंमत केवळ भारत सरकारसाठी त्यांच्या विनंतीवरून ठरवण्यात आलीय. आम्हाला सर्वसामान्य माणसं, गरीब आणि आरोग्य क्षेत्रातील लोकांना आधार द्यायचाय. त्यानंतर खासगी बाजारात डोसमागे 1000 रुपये आकारलं जाईल."

"भारत सरकारसाठी आम्ही किफायतशीर किंमत ठेवण्याचा प्रयत्न केलाय. मात्र, ती 200 पेक्षाही जास्त असेल. कारण तेवढा आमचा खर्च झालाय. पण आम्हाला यातून फायदा पाहायचा नाहीय. पहिल्या 10 कोटी डोससाठी देश आणि भारत सरकारला आधार द्यायचाय," असं पूनावाला म्हणाले.
सीरम इन्स्टिट्यूटमधून लस मिळावी म्हणून जगभरातील अनेक देशांनी भारत आणि पंतप्रधान कार्यालयाशी लिखित संपर्क साधल्याची माहितीही अदर पूनावाला यांनी दिली.

"आम्ही आफ्रिका आणि दक्षिण अमेरिकेमध्ये लशीचा पुरवठा करण्याचा प्रयत्न करतोय. जवळपास सर्वच ठिकाणी पोहोचण्याचा प्रयत्न करतोय, जेणेकरून सगळ्यांचं समाधान होईल," असं पूनावाला म्हणाले.

अदर पूनावाला यांच्या माहितीनुसार, सीरम इन्स्टिट्यूटमध्ये दर महिन्याला कोरोनावरील लशीचे सात ते आठ कोटी डोस तयार केले जातील. भारतात आणि परदेशात कशाप्रकारे पुरवठा केला जाईल, याबाबत सध्या नियोजन सुरू आहे.
लशीच्या वाहतुकीसाठी खासगी कंपन्यांचे ट्रक, व्हॅन आणि कोल्ड स्टोरेज यांच्याशी सीरम इन्स्टिट्यूटनेच भागीदारी केली आहे.

यावर अधिक वाचा :

नव्या वर्षीच सर्वसामान्यांसाठी लोकल सेवा सुरू होणार

नव्या वर्षीच सर्वसामान्यांसाठी लोकल सेवा सुरू होणार
येत्या ३१ डिसेंबर पर्यंत प्रवाशांना लोकलने प्रवास करता येणार नाही. नव्या वर्षीच ...

सर्व शासकीय रुग्णालयांमधील रुग्णांना मोफत रक्त मिळणार

सर्व शासकीय रुग्णालयांमधील रुग्णांना मोफत रक्त मिळणार
राज्यात शनिवार १२ डिसेंबरपासून सर्व शासकीय रुग्णालयांमधील रुग्णांना मोफत रक्त मिळणार ...

जेजुरीच्या खंडोबा देवाची सोमवती अमावस्या यात्रा रद्द

जेजुरीच्या खंडोबा देवाची सोमवती अमावस्या यात्रा रद्द
कोरोनाचा प्रादुर्भाव टाळण्यासाठी जेजुरीच्या खंडोबा देवाची सोमवती अमावस्या यात्रा रद्द ...

आयएमएकडून आज राष्ट्रव्यापी बंद, रुग्णांची मोठी गैरसोय ...

आयएमएकडून आज  राष्ट्रव्यापी बंद, रुग्णांची मोठी गैरसोय होण्याची शक्यता
केंद्र सरकारने आयुर्वेदाचं शिक्षण घेणाऱ्या विद्यार्थ्यांना अॅलोपॅथिक शस्त्रक्रियांची ...

जुनी पेन्शन योजना लागू होण्यास अडथळा असणारी अधिसूचना रद्द

जुनी पेन्शन योजना लागू होण्यास अडथळा असणारी अधिसूचना रद्द
जुनी पेन्शन योजना लागू होण्यास अडथळा असणारी १०जुलै २०२०ची अधिसूचना रद्द करण्याच्या ...