Oscar Nominations 2020: जोकर चित्रपटाला ऑस्करची 11 नामांकनं

oscar joker
Last Updated: मंगळवार, 14 जानेवारी 2020 (14:39 IST)
हॉलिवुडमध्ये सर्वाधिक मानाचा पुरस्कार समजल्या जाणाऱ्या 92 व्या अकॅडमी अवॉर्ड्स अर्थात ऑस्कर पुरस्कारासाठीची नामांकन यादी जाहीर करण्यात आली आहे.
यावर्षी क्विंटन टरँटिनोचा 'वन्स अपॉन अ टाइम इन हॉलिवूड' आणि टोड फिलिप्सचा 'जोकर' ऑस्करच्या स्पर्धेत सर्वांत पुढे आहे.

यंदाच्या ऑस्कर पुरस्कारांसाठी सर्वाधिक नामांकनं मिळवणारा हा 'जोकर' ठरला आहे. 'जोकर'ला तब्बल 11 कॅटेगरींमध्ये नामांकन मिळालं आहे. 10 फेब्रुवारी रोजी (भारतीय वेळेनुसार) ऑस्कर सोहळा रंगणार आहे.

'जोकर'ला सर्वोत्कृष्ट चित्रपट, सर्वोत्कृष्ट दिग्दर्शन, सर्वोत्कृष्ट अभिनेतासोबतच आणखी आठ नॉमिनेशन मिळाली आहेत. जोकर हा चित्रपट रिलीज होत असताना अनेकांनी त्याची तुलना हिथ लिजरच्या 'डार्क नाइट'मधील जोकरशी केली होती, मात्र यंदाचा जोकरही प्रेक्षकांना भावून गेला.
त्यासोबतच '1917' आणि 'वन्स अपॉन अ टाईम...इन हॉलिवुड', द आयरिश मॅन' या तीन चित्रपटांना वेगवेगळ्या कॅटेगरिमध्ये 10 नॉमिनेशन्स मिळाली आहेत.

'जोजो रॅबिट'ला 5, तर 'लिटिल मॅन' आणि 'पॅरासाईट' या दोन चित्रपटांची सहा कॅटेगरीत निवड झाली आहे. तर 'फोर्ड व्हर्सेस फरारी' हा चित्रपट 4 मुख्य कॅटेगरिमध्ये निवडला गेला आहे.

ऑस्कर नॉमिनेशन्स 2020 - सर्वोत्कृष्ट चित्रपट
फिल्म नॉमिनेशन्स
जोकर 11
वन्स अपोन अ टाइम.. इन हॉलीवुड 10
द आईरिश मॅन 10
1917 10
जोजो रॅबिट 6
पॅरासाइट 6
लिटिल वुमेन 6
मॅरिज स्टोरी 6
फॉर्ड वर्सेस फरारी 4
सर्वोत्कृष्ट अभिनेतासाठी 'जोकर'च्या हॉकिन फीनिक्स व्यतिरिक्त मॅरेज स्टोरीसाठी अॅडम ड्रायव्हर 'वन्स अपॉन अ टाईम...इन हॉलिवुड'साठी लियोनार्डो डिकॅप्रियो, जोनाथन प्राईस यांना 'द टू पोप्स' या चित्रपटासाठी नॉमिनेशन मिळालं आहे.

सर्वोत्कृष्ट अभिनेत्रीसाठी सिन्थिया एरिवो, स्कारलेट जोहानसन, साइओर्स रोनेन, चार्लीज थेरॉन आणि रेने जेल्वेगर स्पर्धेत आहेत.
भारताकडून ऑस्करसाठी झोया अख्तरचा 'गली बॉय' हा सिनेमा पाठवण्यात आला होता. तो स्पर्धेबाहेर गेला आहे. मात्र, भारताला अजूनही एक संधी आहे.

शेफ ते फिल्ममेकर प्रवास करणाऱ्या विकास खन्नाचा 'द लास्ट कलर' हा पदार्पणातील सिनेमा ऑस्करसाठी पाठवण्यात आला आहे. अभिनेत्री नीना गुप्ता यांची यात प्रमुख भूमिका आहे. बेस्ट फिचर फिल्म कॅटेगरीत हा सिनेमा ऑस्करसाठी पाठवण्यात आला आहे.

यावर अधिक वाचा :

नव्या वर्षीच सर्वसामान्यांसाठी लोकल सेवा सुरू होणार

नव्या वर्षीच सर्वसामान्यांसाठी लोकल सेवा सुरू होणार
येत्या ३१ डिसेंबर पर्यंत प्रवाशांना लोकलने प्रवास करता येणार नाही. नव्या वर्षीच ...

सर्व शासकीय रुग्णालयांमधील रुग्णांना मोफत रक्त मिळणार

सर्व शासकीय रुग्णालयांमधील रुग्णांना मोफत रक्त मिळणार
राज्यात शनिवार १२ डिसेंबरपासून सर्व शासकीय रुग्णालयांमधील रुग्णांना मोफत रक्त मिळणार ...

जेजुरीच्या खंडोबा देवाची सोमवती अमावस्या यात्रा रद्द

जेजुरीच्या खंडोबा देवाची सोमवती अमावस्या यात्रा रद्द
कोरोनाचा प्रादुर्भाव टाळण्यासाठी जेजुरीच्या खंडोबा देवाची सोमवती अमावस्या यात्रा रद्द ...

आयएमएकडून आज राष्ट्रव्यापी बंद, रुग्णांची मोठी गैरसोय ...

आयएमएकडून आज  राष्ट्रव्यापी बंद, रुग्णांची मोठी गैरसोय होण्याची शक्यता
केंद्र सरकारने आयुर्वेदाचं शिक्षण घेणाऱ्या विद्यार्थ्यांना अॅलोपॅथिक शस्त्रक्रियांची ...

जुनी पेन्शन योजना लागू होण्यास अडथळा असणारी अधिसूचना रद्द

जुनी पेन्शन योजना लागू होण्यास अडथळा असणारी अधिसूचना रद्द
जुनी पेन्शन योजना लागू होण्यास अडथळा असणारी १०जुलै २०२०ची अधिसूचना रद्द करण्याच्या ...