‘कबीर सिंह' ची बॉक्स ऑफिसवरील जोरदार कमाई
अभिनेता शाहिद कपूरचा ‘कबीर सिंह’ हा चित्रपट शुक्रवारी प्रदर्शित झाला. या चित्रपटाने पहिल्याच दिवशी २०.२१ कोटी रुपयांची कमाई केली आहे. शाहिदच्या करिअरमधील पहिल्या दिवशी सर्वाधिक कमाई करणारा हा चित्रपट ठरला आहे. या चित्रपटाची बॉक्स ऑफिसवरील जोरदार कमाई सुरु आहे.
चित्रपट व्यापार विश्लेषक तरण आदर्श यांनी ‘कबीर सिंग’ चित्रपटाने प्रदर्शनाच्या तीन दिवसात तब्बल ७०.८३ कोटी रुपयांची कमाई केली असल्याचे ट्विटरद्वारे सांगितले आहे. तसेच शाहिद कपूरच्या ‘पद्मावत’ चित्रपटानंतर प्रदर्शनाच्या तीन दिवसात सर्वाधिक कमाई करणारा हा चित्रपट असल्याचे देखील सांगितले आहे. या चित्रपटाने पहिल्या दिवशी २०.२१ कोटी रुपयांचा गल्ला जमावला होता तर दुसऱ्या दिवशी २२.७१ कोटी रुपयांची कमाई केली. दोन दिवसांमध्ये चित्रपटाने एकूण ४२.९२ कोटी रुपयांची कमाई केली होती. त्यामुळे हा चित्रपट लवकरच ७० कोटी रुपयांचा टप्पा गाठणार आहे.
