testwebdunia1
testwebdunia0
testwebdunia2

युवा पिढीचा आनंदोत्सव ‘फ्रेंडशिप डे’

friendship day 600
वेबदुनिया|
आज आपण 21 व्या शतकाच्या उंबरठ्यावर आहोत. हे युग कॉम्प्युटर युग मानले जाते.आजच्या युगात तंत्रज्ञानाला अधिक महत्त्व प्राप्त झाले आहे. असं असलं तरी आजच्या युगातही नाते-संबंधांनाही तितकेच महत्त्व आहे.
सध्याची आमची पिढी रिलेशनशिपला खूप महत्त्व देते.हे रिलेशन वाढवण्यासाठी आमची पिढी काही दिवसही साजरे करते. अगदी छोट्या-छोट्या गोष्टींतून आनंद कसा मिळवायचा हे या डेज कल्चर मधून शिकायला मिळते. अगदी चॉकलेट डे पासून ते साडी डे, मदर्स डे, फादर्स डे, टीचर्स डे तसेच फ्रेंडशिप डे ही आम्ही साजरा करतो. या डेज कल्चरला काही जणांचा आक्षेप असला तरी, यातून चांगले काही मिळते, जगण्याचा नवीन आनंद मिळतो, नवीन उमेद मिळते, असे समजायला काहीच हरकत नाही. त्यामुळे हा आक्षेप अनाठायी आहे.

ऑगस्ट महिन्यातील पहिल्या रविवारी फ्रेंडशिप डे साजरा केला जातो. डे कल्चरचा विचार सोडून एका नवीन दृष्टिकोनातून याला पाहण्याची गरज आहे. आज शिक्षणाच्या निमित्ताने लाखो विद्यार्थी आपले शहर सोडून दुसर्‍या शहरात जातात. तिथे त्यांना सारेच अनोळखी असते. दररोजचा जगण्याचा आनंदही त्यांच्यासाठी नवखाच असतो. अशावेळी त्यांना खर्‍या अर्थाने मदत होते ती मित्र-मैत्रिणींचीच. मित्रांची जागा त्या शहरात असलेले आपले नातेवाईकही घेऊ शकत नाहीत. हे नाते वेगळंच असते. त्यामुळे अशांसाठी फ्रेंडशिप डे हा दिवस काही वेगळाच असतो.

यातच फ्रेंडशिप डेची चर्चा सगळीकडेच सुरू होते.कट्ट्यावर गरमागरम कॉफीचा स्वाद चाखणार्‍यांमध्ये, टवाळक्या करत पार्किंगमध्येच दिवस घालवणार्‍यांमध्ये, कट्ट्यावरती काही कॉमेंट्स करून एकमेकांना टाळ्या देण्यात धन्यता मानणार्‍या अशा सार्‍यांमध्ये फ्रेंडशिप डे चीच चर्चा असते.

बरं या दिवशी वेगळं असं काहीच करायचं नसतं. आपल्याला वर्षभर मदत करणार्‍या, आपल्या भावना जपणार्‍या, अशा आपल्या मित्र-मैत्रिणींना केवळ शुभेच्छा द्यायच्या असतात. आजकाल बाजारात या संदर्भात नव-नवीन गिफ्ट आपल्याला पाहायला मिळतात. यात शुभेच्छा पत्रं, फ्रेंडशिप बँड, अशा कितीतरी वस्तू आहेत.

बरं या वस्तू दिल्यानेच हा दिवस साजरा करता येतो असेही नाही. काही जण नि:शब्दपणेही हा साजरा करतात. आपल्या मित्र-मैत्रिणीची या दिवशी प्रकर्षाने आठवण आली तरी आपण त्याच्या मैत्रीला जपल्या सारखेच आहे. या दिवसाचे महत्त्व लक्षात घेतला बाजारात या दिवशी अनेक शुभेच्छा पत्र आपल्याला पाहायला मिळतील. यात मजकुराची वानवा मुळीच नसते. ‘माझ्याशी मैत्री करशील का’, ते एखादा मित्र नाराज असेल तर ‘सॉरी’ च्या मजकुरापर्यंत सारे काही या शुभेच्छा पत्रात आपल्याला मिळते.

भाषेचं कुंपण या शब्दांना नसल्याने इंग्रजी ते मराठी पर्यंतचा प्रवास या ओळींचा असतो. या ओळीच इतक्या आकर्षक असतात, की त्यांची भुरळ प्रत्येकालाच पडेल. आजकाल मागची पिढी म्हणजेच पालकही हा दिवस साजरा करत आहेत. माझी आईही तिच्या मैत्रिणीला शुभेच्छा पत्र देते. तिलाही वाटतं आपल्या जीवाभावाच्या मैत्रिणीला काही तरी द्यावं.
आता हा दिवस इतका महत्त्वाचा असेल तर तो साजराही तशाच पद्धतीने व्हायला हवा ना? मग लागा तयारीला.. आणि आपल्या मित्र-मैत्रिणीसोबत हा दिवस आनंदात साजरा करा.


यावर अधिक वाचा :

भाऊ कदमने दिला स्वच्छतेचा संदेश

national news
दिवाळीचा उत्साह सध्या सर्वत्र पाहायला मिळत आहे. दिव्यांची आरास आणि रांगोळीने सजलेल्या या ...

स्मार्टफोन्सच्या विक्रीत भारताने अमेरिकेला मागे टाकले

national news
स्मार्टफोनच्या बाजारपेठेत भारतानं अमेरिकेला मागे टाकत दुसऱ्या स्थानी झेप घेतली आहे. जुलै ...

मराठा समाज आरक्षण : आयोगाचा अहवाल बुधवारी सादर होणार

national news
मराठा समाजाविषयीचा राज्य मागासवर्ग आयोगाचा अहवाल बुधवारी किंवा गुरुवारी राज्य सरकारला ...

भारत आणि केनियामध्ये प्रसारमाध्यम साक्षरतेसाठी कार्यक्रम

national news
बीबीसीच्या ‘बियाँड फेक न्यूज’ या उपक्रमाची सुरुवात 12 नोव्हेंबर रोजी होत आहे. खोटी बातमी ...

मोबाईल मार्केटमध्ये मागे राहिल्या भारतीय कंपन्या, चिनी ...

national news
भारतीय मोबाइल मार्केटमध्ये पाच वर्षांपूर्वी 50 टक्क्यांहून अधिक शेअर्स असलेल्या स्वदेशी ...

घरचा वैद्य : नक्की करून बघा

national news
कांद्याच्या सालीत आणि पापुद्रय़ामध्ये भरपूर अँण्टिऑक्सिडंटस् असतात. तसेच त्यात क्वेसेंटीन ...

एक डाव नियतीचा?

national news
मिसेस खन्नाचा चेहरा पडला होता. काय करावं हे त्यांना सुचतंच नव्हतं. सगळं मानसिक बळ एकवटून ...

तुम्हांला बालदिनाच्या शुभेच्छा ! !

national news
आईसक्रीमचा कप पुढे आला , झाकण काढल्यावर ते चाटून स्वच्छ करण्याची ईच्छा झाली , तर ...

बीपीच्या रुग्णांनी गरम पाणी आणि खड्या मिठाचे सेवन केले तर ...

national news
हृदयविकाराच्या रुग्णांमध्ये सर्वात कठीण समस्या म्हणजे रक्तदाब असतो. हिवाळ्यात, रक्त आणि ...

आश्चर्यजनक आहे पनीराचे हे 5 फायदे

national news
कोणतेही पाहुणे घरी येत असले की घरात पनीराची पाककृती नक्कीच बनते. आरोग्य आणि चव यांच्या ...