अमेरिकेत 5 वर्षाच्या मुलाने वडिलांच्या पिस्तुलाने स्वतःवर झाडली गोळी
अमेरिकेतील धोकादायक गन कल्चरने हजारो लोकांचे प्राण घेतले असून यावेळी 5 वर्षाच्या मुलाने चुकून वडिलांच्या पिस्तुलाने स्वतःवर गोळी झाडली आहे, व त्याचा जागीच मृत्यू झाला आहे.
मिळालेल्या माहितीनुसार सॉल्ट लेक सिटीच्या दक्षिणेकडील एक लहान शहरात 5 वर्षांच्या मुलाच्या मृत्यूबद्दल शोक चालू आहे. या मुलाने चुकून त्याच्या पालकांच्या बेडरूममध्ये सापडलेल्या हँडगनने स्वतःवर गोळी झाडली.
या मुलाला गुरुवारी दुपारी त्याच्या घराच्या मागील खोलीत 9 मिमीची हँडगन सापडली व त्याने ती डोक्याला लावली आणि ट्रिगर खेचला. गोळीबार झाला तेव्हा मुलाचे आई-वडील त्याचा एक भाऊ घरातच होते, पण ते त्याच्यासोबत खोलीत नव्हते. गोळीबाराचा आवाज ऐकताच वडिलांनी खोलीत जाऊन सीपीआर सुरू केला, मात्र मुलाचा जागीच मृत्यू झाला.
Edited By- Dhanashri Naik
