testwebdunia1
testwebdunia0
testwebdunia2
Widgets Magazine
Widgets Magazine

नेदरलॅन्ड हा भारताचा स्वाभाविक भागीदार

modi
ऍम्स्टरडॅम| Last Modified बुधवार, 28 जून 2017 (11:22 IST)
आर्थिक विकासाच्या बाबतीत नेदरलॅन्ड हा भारताचा स्वाभाविक भागीदार आहे, अशा शब्दांमध्ये पंतप्रधान नरेंद्र मोदी यांनी आज नेदरलॅन्डबरोबरच्या संबंधांचा गौरव केला. नेदरलॅन्ड बरोबरच्या व्यापाराबाबतचे द्विपक्षीय संबंध आगामी काळात अधिक वेगाने वाढणार असल्याचेही त्यांनी सांगितले. मोदी आणि रुट यांच्यातील चर्चेदरम्यान दोन्ही नेत्यांनी वातावरण बदलाच्या करारातील सहभाग आणि नवीकरणीय उर्जेच्या विकासातील सहकार्याबाबतची बांधिलकी पुन्हा एकदा उद्‌धृत केली.
नेदरलॅन्डचे पंतप्रधान मार्क रुट यांच्याबरोबर झालेल्या द्विपक्षीय चर्चेनंतर दोन्ही देशांमध्ये सामाजिक सुरक्षा, जल सहकार्य आणि सांस्कृतिक सहकार्याविषयीच्या तीन सामंजस्य करारांवर स्वाक्षऱ्या करण्यात आल्या. “मिसाईल टेक्‍नोलॉजी कंट्रोल रेजिम’मधील सदस्यत्वासाठी भारताला पाठिंबा दिल्याबद्दल रुट यांना धन्यवाद दिले. नेदरलॅन्डच्या सहकार्याशिवाय “एमटीसीआर’मधील भारताचा सहभाग शक्‍यच नव्हता, असे मोदी यांनी म्हटले आहे. भारताला “एमटीसीआर’मध्ये गेल्या वर्षी पूर्ण सदस्यत्व मिळाले. यामुळे भारताला उच्च तंत्रज्ञानाचे क्षेपणास्त्र तंत्रज्ञान खरेदी करणे शक्‍य होणार आहे. तसेच रशियाबरोबरच्या संयुक्‍त उपक्रमामध्येही सहभागी होता येणार आहे.
भारत आणि नेदरलॅन्डदरम्यानचे संबंध शतकापासूनचे आहेत आणि दोन्ही देशांकडून हे संबंध अधिक दृढ करण्यासाठी प्रयत्न केले जातील. नेदरलॅन्ड हा भारतासाठी जगभरातील 5 व्या क्रमांकाचा गुंतवणूक भागीदार देश आहे. भारतामध्ये नेदरलॅन्डने गेल्या तीन वर्षात तिसऱ्या क्रमांकाची थेट विदेशी गुंतवणूक केल्याचेही मोदींनी सांगितले.
तीन देशांच्या दौऱ्याच्या अखेरच्या टप्प्यामध्ये मोदी नेदरलॅन्डच्या भेटीवर आहेत. आपल्या एकदिवसाच्या भेटीदरम्यान मोदी डच राजे विलेम अलेक्‍झांडर यांच्याशीही चर्चा करतील आणि महाराणी मॅक्‍झिमा यांचीही भेट घेणार आहे. महत्वाच्या डच कंपन्यांच्या मुख्य कार्यकारी अधिकाऱ्यांशीही ते भेट घेणार आहेत.
भारतासाठी युरोपाचा ‘एन्ट्री पॉईंट’
संयुक्‍त पत्रकार परिषदेमध्ये नेदरलॅन्डचे पंतप्रधान रुट यांनी भारताचे वर्णन भावी जागतिक महासत्ता असे केले. आर्थिक आणि राजकीय दृष्टीकोनातूनही भारतात होणाऱ्या विकासाचे त्यांनी स्वागत केले. नवीकरणी उर्जा क्षेत्रामध्ये आणि वातावरण बदलासंबंधीच्या पॅरिस कराराबाबत भारताच्या बांधिलकीबाबत रुट यांनी कौतुक केले. भारत जगातील दुसऱ्या क्रमांकाची अर्थसत्ता आहे आणि भारतीय बाजारपेठांमध्ये मोठी संधी आहे. भारतासाठी देण्यायोग्य अनेक गोष्टी नेदरलॅन्डकडे आहेत, असे रुट म्हणाले. “स्वच्छ भारत’ आणि “मेक इन इंडिया’सारख्या स्थायी पुढाकारांबाबतही रुट यांनी मोदी यांचे कौतुक केले आहे. नेदरलॅन्ड हा आपले उद्दिष्ट साध्य करण्यासाठी भारताचा महत्वाचा भागीदार आहे. युरोप हा भारतासाठी व्यापारी भागीदार आहे. भारतातून युरोपात होणारी 20 टक्के निर्यात नेदरलॅन्डच्या माध्यमातून होते. त्यामुळे भारतासाठी नेदरलॅन्ड हा युरोपाचा “एन्ट्री पॉईंट’ आहे, असेही रुट यांनी सांगितले.


यावर अधिक वाचा :

आता लग्नाच्या खर्चावर सरकारचा डोळा

national news
आता आपल्या घरात होणार्‍या लग्नसरायांवर होणार्‍या खर्चावर सरकारचा डोळा असणार आहे. सुप्रीम ...

ब्रिटनकडून फेसबुकला पाच लाख पौंडांचा दंड

national news
फेसबुकवर ब्रिटनच्या माहिती नियंत्रकाने पाच लाख पौंडांचा दंड ठोठावला आहे. केम्ब्रिज ...

जागतिक अॅथलेटिक्स चॅम्पियनशिप, हिमा दासला सुवर्णपदक

national news
भारतीय महिला धावपटूने जागतिक अॅथलेटिक्स चॅम्पियनशिप स्पर्धेत ४०० मीटर प्रकारात २० ...

बाप्परे, तरुणाने फेसबुकवर लाईव्ह करत केली आत्महत्या

national news
पाचवेळा प्रयत्न करुनही भारतीय लष्करात भरती होऊ शकली नसल्याने नाराज झालेल्या मुन्ना कुमार ...

जगातील सर्वात लांब नखे कापली

national news
जगातील सर्वात लांब नखांचा विक्रम नावावर असलेल्या आणि गिनीज बुक ऑफ वर्ल्ड रेकॉर्डमध्ये ...

बनावट आणि आॅटोमेटेड अकाउंट ट्विटर बंद करणार

national news
बनावट आणि आॅटोमेटेड अकाउंट बंद करण्याची मोहीम ट्विटर हाती घेणार आहे. त्यामुळे ज्यांच्या ...

ग्राहकांचा फायदा, सर्व कंपन्यांची नेट सेवा एकाच दरात मिळणार

national news
दूरसंचार विभागाने नवीन धोरण तयार केले असून यात मोबाइल ग्राहकांना सर्व कंपन्यांची नेट सेवा ...

अफवा रोखण्यासाठी 'फॉरवर्ड मेसेज इंडिकेटर' फिचर आले

national news
अफवा, फेक न्यूज आणि फेक संदेश रोखण्यासाठी व्हाट्सअॅपने एक नवे फिचर सुरू केले आहे. या ...

वायफाय राऊटरची देखभाल

national news
स्मार्टफोनचा वापर वाढल्यापासून घराघरांत वायफाय राऊटर दिसू लागले आहेत. वायफायमुळे वेगाने ...

Oppo Find X 12 जुलै रोजी भारतात होईल लाँच, जाणून घ्या ...

national news
तुम्ही अशा फोनबद्दल नक्कीच ऐकले असेल, ज्यात सेल्फी कॅमेरा दिसत नाही बलकी फोटो काढताना तो ...