नेपाळमध्ये विमान कोसळून झालेल्या दुर्घटनेत आतापर्यंत 40जणांचा मृत्यू झाला आहे. येती एअरलाईन्सचं हे विमान नेपाळची राजधानी काठमांडूहून पोखरा इथे जात होतं. विमान उतरत असताना कोसळलं आणि त्याला आग लागली. नेपाळी लष्कराचे प्रवक्ते रती कृष्ण प्रसाद भंडारी यांनी सांगितले की, अपघातस्थळावरून आतापर्यंत 40 मृतदेह बाहेर काढण्यात आले आहेत. ते म्हणाले, "पोखरा विमानतळापासून दीड किलोमीटर अंतरावर सेती नदीजवळ विमान एका खोल दरीत कोसळलं. 120 रेंजर्स आणि सुमारे 180 जवान मदतकार्यासाठी तैनात आहेत.
विमानाला आग लागली, ती विझवण्याचे प्रयत्न सुरू आहेत. "गेले आहे." विमानाने काठमांडूहून सकाळी 10.32 वाजता उड्डाण केलं. सकाळी 10.50 वाजता विमानाशी शेवटचा संपर्क झाला. लँडिंग दरम्यान विमान कोसळलं.
नेपाळ लष्कराच्या तुकड्या घटनास्थळी दाखल झाल्या असून अपघातग्रस्त विमानातील प्रवाशांची सुटका करण्याचं काम युद्धपातळीवर सुरू आहे.
आणखी काही मृतदेह बाहेर काढू असं नेपाळ लष्कराच्या प्रवक्त्याने सांगितलं. अपघातात विमानाचे तुकडे झाल्याचंही त्यांनी सांगितलं.
नेपाळचे पंतप्रधान पुष्पकमल दहाल यांनी मंत्रिमंडळाची आपत्कालीन बैठक बोलावली असून, आपत्कालीन यंत्रणांना घटनास्थळी रवाना केलं आहे.
जुना विमानतळ आणि आंतरराष्ट्रीय विमानतळ यादरम्यान रनवेवर हे विमान दुर्घटनाग्रस्त झाल्याची प्राथमिक माहिती येती एअरलाईन्सच्या सुदर्शन बारतौली यांनी दिल्याचं 'काठमांडू पोस्ट'ने म्हटलं आहे.
विमान अपघातात सापडलेल्या प्रवाशांची सुटका करण्यासाठीचे प्रयत्न सुरू असून तूर्तास विमानतळाहून अन्य विमानांची वाहतूक स्थगित करण्यात आली आहे.
विमानात 5 भारतीय प्रवासी
नेपाळच्या नागरी उड्डाण प्राधिकरणाचे प्रवक्ते जगन्नाथ निरुला यांनी सांगितलं की, प्रवाशांमध्ये नेपाळमधील 53 आणि भारतातील 5 जणांचा समावेश आहे.
याशिवाय रशियाचे चार, कोरियाचे दोन, आयर्लंड, अर्जेंटिना, ऑस्ट्रेलिया आणि फ्रान्सचे प्रत्येकी एक प्रवासी होते.
अपघाताबाबत माहिती देताना यती एअरलाइन्सचे प्रवक्ते सुदर्शन बारतौला यांनी सांगितले की, यती एअरलाइन्सच्या विमानात एकूण ६८ प्रवासी आणि चार क्रू मेंबर्स होते. त्यात दोन मुलांसह १५ परदेशी नागरिकांचाही समावेश आहे. जुने विमानतळ आणि पोखरा आंतरराष्ट्रीय विमानतळादरम्यान हे विमान कोसळले.
नेपाळच्या नागरी उड्डाण प्राधिकरणाने (CAAN) सांगितले की यती एअरलाइन्स 9N-ANC ATR-72 विमानाने सकाळी 10.33 वाजता काठमांडू येथील त्रिभुवन आंतरराष्ट्रीय विमानतळावरून उड्डाण केले. पोखरा हे हिमालयीन देशातील एक प्रसिद्ध पर्यटन स्थळ आहे.
या अपघातात मोठ्या संख्येने लोकांचा मृत्यू झाला आहे. काही रिपोर्ट्समध्ये 42 लोकांचे मृतदेह बाहेर काढल्याचा दावा केला जात आहे
बचाव पथक अपघातस्थळी पोहोचल्याचे निरुला यांनी सांगितलं. ते म्हणाले, "आता आम्ही अधिक माहिती गोळा करत आहोत, बचाव कार्य वेगाने सुरू आहे."
सोशल मीडियावर आलेल्या व्हीडिओत हे विमान दाटीवाटीच्या प्रदेशात अतिशय खालून जात असल्याचं दिसत आहे. त्यानंतर ते विमान फिरुन कोसळताना दिसत आहे.
नेपाळ लष्कराचे 200 सैनिक घटनास्थळी कार्यरत असून, अपघातात अडकलेल्यांची सुटका करण्याचे प्रयत्न सुरु आहेत.
विमान दुर्घटनाग्रस्त झालं त्याठिकाणी मोठ्या प्रमाणात काळा धूर पसरला आहे आणि प्रचंड डेबरिसही दिसत आहे.
या विमानात विदेशी नागरिक असल्याचं लक्षात घेऊन हेल्पलाईन क्रमांक देण्यात येत आहेत.
काठमांडू- दिवाकर शर्मा (977-985117021)
पोखरा- लेफ्टनंट कर्नल शशांक त्रिपाठी (977-9856037699)
दरम्यान नेपाळमधील भारतीय दूतावास स्थानिक प्रशासनाच्या संपर्कात असून परिस्थितीचा आढावा घेत आहेत.
नेपाळचे भारतातील राजदूत शंकर शर्मा म्हणाले की, पोखरा येथे झालेल्या विमान अपघातात काही भारतीयांसह 72 लोक आणि चालक दलातील सदस्यांना खूप दुःख झाले आहे. आम्ही मृतांच्या कुटुंबियांबद्दल मनापासून संवेदना व्यक्त करतो. आमचे विचार आणि प्रार्थना या दुर्घटनेने प्रभावित झालेल्या सर्वांसोबत आहेत.
विमान टेकडीवर आदळले. लँडिंगपूर्वी झालेल्या अपघातानंतर विमानाला आग लागली. पोखराजवळ क्रॅश झालेले प्रवासी विमान ATR-72 हे यति एअरलाइन्सचे असल्याचे सांगितले जात आहे. सोशल मीडिया प्लॅटफॉर्मवर पोस्ट केलेल्या चित्रे आणि व्हिडिओंमध्ये अपघातस्थळावरून धुराचे लोट उठताना दिसत आहेत. अपघातस्थळी हेलिकॉप्टरद्वारे बचाव पथक तैनात करण्यात आले आहे.
भारताचे नागरी विमान वाहतूक मंत्री ज्योतिरादित्य सिंधिया यांनी नेपाळमधील अपघाताबद्दल शोक व्यक्त केला आहे. हा अपघात दुर्दैवी असल्याचे सांगत त्यांनी सर्वतोपरी मदत करण्याचे आश्वासन दिले आहे.
विमानाचे पायलट कॅप्टन कमल केसी आणि असिस्टंट कॅप्टन अंजू खतिवडा हे विमान उडवत होते.
Edited By - Priya Dixit
