testwebdunia1
testwebdunia0
testwebdunia2
Widgets Magazine

IPL-10 मुंबईची हॅट्रिक

हैदराबाद|
उत्कंठेचे शिखर गाठणाऱ्या आयपीएलच्या अंतिम लढतीत अखेर मुंबईकर पुण्याला भारी पडले. माफक धावसंख्येचा बचाव करताना गोलंदाजांनी केलेल्या भेदक माऱ्याच्या जोरावर मुंबईने शेवटच्या चेंडूपर्यंत रंगलेल्या लढतीत रायझिंग पुणे सुपरजायंट्सला अवघ्या एका धावेने पराभूत केले
आणि आयपीएल 10 च्या विजेतेपदावर कब्जा केला.
मुंबईचे आयपीएलमधील हे तिसरे विजेतेपद ठरले आहे. त्याबरोबरच आयपीएलमध्ये तीन विजेतेपदे पटकावणारा मुंबई इंडियन्स हा पहिला संघ ठरला आहे.

मुंबईने दिलेल्या माफक आव्हानाचा पाठलाग करताना पुण्याने सावध सुरुवात केली. सलामीवीर राहुल त्रिपाठी (3)
स्वस्तात माघारी परतल्यावर अजिंक्य रहाणे आणि स्टीव्हन स्मिथ यांनी संयमी खेळ करत पहिल्या 10 षटकांत पुण्याला 1 बाद 58 धावांपर्यंत मजल मारून दिली. त्यानंतरही या दोघांचा संयमी खेळ सुरू ठेवला.
मात्र सुरेख फलंदाजी करत असलेल्या रहाणेची (44) विकेट काढत मिचेल जॉन्सनने मुंबईला सामन्यात पुनरागमन करून दिले.

रहाणे बाद झाल्यावर मुंबईच्या गोलंदाजांनी स्मिथ आणि धोनीला जखडून टाकले. मात्र पुण्याच्या हाती 8 गडी असल्याने पुण्याचे पारडे जड होते. अखेर डावातील 14 व्या षटकात धोनी आणि स्मिथने 14 धावा वसूल केल्या. पण धोनी बाद झाल्यावर मुंबईच्या गोलंदाजांनी गोलंदाजीची धार वाढवत सामना शेवटच्या षटकापर्यंत नेला. शेवटच्या षटकात पुण्याला विजयासाठी 11 धावांची गरज असताना पहिल्या चेंडूवर मनोज तिवारीने चौकार मारला. मात्र जॉन्सनने पुढच्या दोन चेंडूवर तिवारी (7)
आणि स्टीव्हन स्मिथ (51) यांना बाद केले. तर शेवटच्या चेंडूवर चार धावांची आवश्यकता असताना जॉन्सनने केवळ दोन धावा देत मुंबईला एका धावेने थरारक विजय मिलवून दिला. मुंबईकडून जॉन्सनने तीन, तर बुमराने दोन गडी बाद केले.

तत्पूर्वी आयपीएलच्या महाअंतिम लढतीत पुण्याच्या गोलंदाजांनी मुंबईकरांना कात्रजचा घाट दाखवला. जयदेव उनाडकट, अॅडम झम्पा आणि डॅन ख्रिस्टियान यांनी केलेल्या भेदक माऱ्याच्या जोरावर रायझिंग पुणे सुपरजायंट्सने मुंबईला 20 षटकांत 8 बाद
129 धावांवर रोखले.


सात बाद 79 अशी बिकट अवस्था
झालेल्या मुंबईला कृणाल पांड्याने सावरले. 38 चेंडूत 47 धावांची खेळी करणाऱ्या
कृणालने
मिचेल जॉन्सनच्या साथीने आठव्या गड्यासाठी 50 धावांची भागीदारी करत मुंबईला सव्वाशे धावांचा टप्पा ओलांडून दिला. पुण्याकडून उनाडकट, झम्पा आणि ख्रिस्टियान यांनी प्रत्येकी दोन बळी टिपले.


आयपीएल 10 च्या
अंतिम लढतीत नाणेफेक जिंकून प्रथम फलंदाजी करणाऱ्या मुंबईची सुरुवात चांगली झाली नाही. जयदेव उनाडकटने भेदक मारा करत सुरुवातीलाच पार्थिव पटेल (4) आणि लेंडल सिमॉन्स (3) या मुंबईच्या सलामीवीरांना परतीची वाट दाखवली.
पुण्याच्या गोलंदाजांनी केलेल्या भेदक माऱ्यामुळे मुंबईला पहिल्या पाच षटकांत दोन गड्यांच्या मोबदल्यात केवळ 16 धावा जमवता आल्या होत्या. अशा परिस्थितीत कर्णधार रोहित शर्माने आक्रमक पवित्रा घेत पुण्याच्या गोलंदाजांवर जोरदार प्रतिहल्ला करत दबाब कमी करण्याचा प्रयत्न केला. मात्र रोहितचे प्रयत्न यशस्वी झाले नाहीत.

मुंबईचा संघ सावरतोय असे वाटत असतानाच रायडू 12 धावा काढून बाद झाला. त्यानंतर
रोहित (24) आणि कायरन पोलार्ड (7) पाठोपाठ बाद झाल्याने मुंबईचा डाव पुरता अडचणीत आला. पाठोपाठ हार्दिक पांड्या (10) आणि कर्ण शर्माही माघारी परतल्याने मुंबईची अवस्था 7 बाद 79 अशी झाली होती.


यावर अधिक वाचा :

मनुष्यबाधा निर्मुलन समिती

national news
स्मशानात भयाण शांतता पसरली होती. अर्थात ती तर नेहमीच असते. पण यावेळी मात्र स्मशानातील ...

बापूंचा 'सेवाग्राम आश्रम'

national news
राष्ट्रपिता महात्मा गांधी यांचा गुजरात राज्यातील साबरमती आश्रम जगप्रसिद्ध आहे. त्याचबरोबर ...

गांधीवचने

national news
या जगातल्या सर्व महान धर्मांच्या मुलभूत सत्यावर माझा विश्वास आहे. ही सगळी देवाचीच देणगी ...

इम्रान यांनी शरीफ यांच्या म्हशीहून कमावले किमान 14 लाख

national news
पाकिस्तान सरकार यांनी माजी पंतप्रतधान नवाझ शरीफ यांच्या पाळीव आठ म्हशींचा लिलाव करून ...

लिंगायत समाजने केल्या २० मागण्या, मुख्यमंत्री यांच्या सोबत ...

national news
मराठा समाज आणि इतर समाजाने आपल्या मागण्या जोरदार पद्धतीने आणि आंदोलन करत सरकार समोर ...

मागणी मान्य, पत्नीला किंवा गर्लफ्रेंडला सोबत नेता येणार

national news
बीसीसीआयच्या न्यायालय नियुक्त कार्यकारी समितीने परदेशी दौऱ्यावर पत्नी किंवा गर्लफ्रेंडला ...

दुसऱ्या कसोटीच्या विजयासह 2-0 ने मालिकाही जिंकली

national news
भारत आणि वेस्टइंडिज यांच्यातील दोन कसोटी सामन्याची मालिका भारताने 2-0 अशी जिंकली आहे. ...

IND VS WI : कोहलीचे शतक पण रिषभ पंतचे शतक हुकले

national news
पहिल्या दिवशी पृथ्वी शॉने केलेल्या शतकानंतर भारताचा कर्णधार विराट कोहलीनेही वेस्ट ...

भारताला नवीन क्रिकेट स्टार मिळाला आगमनात पृथ्वी शॉच शतक

national news
भारतीय क्रिकेट मध्ये पुन्हा एकदा एक नवीन स्टार मिळाला आहे. विशेष म्हणजे भारत विरुद्ध ...

धोनी चिडला म्हणाला 'बॉलिंग करेगा या बॉलर चेंज करे'

national news
माईकमध्ये कैद झाला असून, खेळाडूंना सूचना देण्याचं काम धोनी खूपच वेगळ्या अंदाजात करतो. ...