अलिबागमध्‍ये मतदार हेल्‍पलाईन सुविधा
निवडणूक आयोगाच्या सुचनेनुसार रायगड लोकसभा मतदार संघातील १९२-अलिबाग विधानसभा मतदार संघाच्या मुख्यालयी मतदार माहिती केंद्राची सुविधा उपलब्ध करून देण्यात आली आहे.उपविभागीय अधिकारी, अलिबाग तथा सहाय्यक निवडणूक निर्णय अधिकारी यांच्या कार्यालयात मतदारांना मतदार याद्या व इतर बाबींची वस्तूनिष्ठ माहिती मतदार माहिती केंद्राच्या माध्यमातून (VOTER HELPLINE) उपलब्ध करून देण्यात येणार आहे. अलिबाग विधानसभा मतदार संघातील मतदारांना दूरध्वनी क्रमांक 02141- 226669 या क्रमांकावर दूरध्वनी करुन मतदार यादीतील त्यांचा तपशील जाणून घेता येणार आहे.
