testwebdunia1
testwebdunia0
testwebdunia2

सिंह राशीच्या जातकांचे 2018 मधील वार्षिक राशिभविष्यफल

गृहसौख्य व आरोग्यमान...

या वर्षात कौटुंबिक जीवनात आनंदाचे क्षण अनुभवता येतील. खास करून विवाहोत्सुक व्यक्तींना नवीन वर्ष कौटुंबिक जीवनात पदार्पण करण्यास उत्तम आहे. जानेवारी, फेब्रुवारी महिन्यांत तुमच्या भावंडांच्या प्रकृतीच्या कुरबुरी सुरू राहतील, पण तुमचे धैर्य वाढलेले असेल. प्रेम प्रकरणात मिश्र स्वरूपाच्या घटना घडतील. एका बाजूला तुमच्यात काही गैरसमज होतील तर दुसरीकडे तुमच्या जवळच्या व्यक्तीकडून होणाऱ्या प्रेमाच्या वर्षावात तुम्ही न्हाऊन निघाल. वैवाहिक सुख वाढेल. मुलांना थोडे अधिक कष्ट घ्यावे लागतील आणि तुम्हाला त्यांची काळजी घ्यावी लागेल. त्याचप्रमाणे त्यांच्या प्रयत्नांमध्ये त्यांना पाठिंबा द्यावा लागेल. वृद्धांना लांबाचा प्रवास करून नातेवाइकांना भेटण्याचा योग संभवतो. राजकारण, कला, क्रीडा क्षेत्रातील व्यक्तींना येत्या वर्षात उत्तम यश व प्रसिद्धी मिळेल. मुलांच्या प्रगतीविषयी मात्र थोडीशी चिंता जाणवेल. कुटुंबीयांसह देशात किंवा परदेशात प्रवास करण्याचे योग मार्चनंतर येतील.


यावर अधिक वाचा :