एटीएममध्ये अडकलेले पैसे असे मिळवा परत

एटीएममध्ये पैसे काढताना बर्‍याचदा कॅश न येताही अकाउंटमधून पैसे डिटेक्ट होतात. त्यानंतर आपण बेचैन अवस्थेत एटीएम पुन्हापुन्हा टाकण्याचा प्रयत्न करतो. अशावेळी काय करायचे आपल्याला सुचत नाही. आरबीआयने यासाठी नियम बनवले आहेत पण याची माहिती आपल्यापैकी फार कमी जणांना असते.

त्वरित बँकेशी संपर्क करा

खातेधारकाने आपल्या बँकेचे एटीएम किंवा अन्य कोणत्याही एटीएममधून पैसे काढताना कॅश आलीच नसेल आणि पैसे कट झाले असतील तर कोणत्याही बँकेच्या जवळच्या शाखेत जाऊन संपर्क करायला हवा. तुमची तक्रार नोंदवून घेतली जाईल आणि एक आठवड्याची मुदत तुम्हाला दिली जाईल.

ट्रांझेक्शन स्लिप घ्या

ट्रांझेक्शन फेल झाले असले तरीही त्याची स्लिप तुम्हाला सोबत ठेवावी लागेल. त्यामुळे एटीएममधून रिसिप्ट घ्यायला कधी विसरू नका. ट्रांझेक्शन स्लिपमध्ये एटीएमचा आयडी, लोकेशन, वेळ आणि बँकेकडून मिळालेला रिस्पॉन्ड कोड प्रिंट झालेला असतो.

24 तासाचा अवधी

ग्राहकाने आपल्या बँकेतून पैसे काढण्यास गेला आणि एटीएममधून कोणत्या कारणात्सव रक्कम न निघाल्यास 24 तास अवधी द्यावा लागतो. बँकेकडून झालेल्या चुकीचे 24 तासात निराकरण होते आणि पैसे क्रेडिट केले जातात.

पैसे देत नाही

दुसर्‍या बँकेच्या एटीएममधून पैसे काढताना कधीकधी पैसे निघत नाहीत पण लॉग बुकमध्ये रक्कम गेलेली दाखवते. जर असे झाले तर तुमचे नुकसान होऊ शकते. कारण दुसरी बँक पैसे देण्यास नकार देऊ शकते.

बँक देईल रोज 100 रूपये

तक्रार केल्यानंतर एका आठवड्यात तुमच्या खात्यात रक्कम जमा झाली नाही तर रोज 100 रूपयाचा दंड बँक ग्राहकाला देते. नियमानुसार बँकेने एक आठवड्यात ग्राहकाला त्याची रक्कम मिळवून द्यावी.