काय या दक्षिण भारतीय अभिनेत्रीशी लग्न करणार आहे जसप्रीत बुमराह?
टीम इंडियाचा स्टार वेगवान गोलंदाज जसप्रीत बुमराह या आठवड्यात लग्न करू शकतो. इंग्लंडविरुद्ध सुरू असलेल्या चार कसोटी सामन्यांच्या मालिकेच्या तिसर्‍या सामन्यानंतर बुमराहने भारतीय क्रिकेट नियामक मंडळाकडून (बीसीसीआय) रजा मागितली. बीसीसीआयने काही दिवसांपूर्वी म्हटले होते की वैयक्तिक कारणांमुळे बुमराह चौथ्या कसोटी सामन्यात खेळू शकणार नाही. काही दिवसांनंतर, बातमी आली की बुमराहने लग्नाच्या तयारीसाठी खरोखरच रजा घेतली आहे आणि या आठवड्यात त्याचे लग्न होणार आहे. एएनआयशी बोलताना बीसीसीआयच्या अधिकार्‍यानेही याची पुष्टी केली. बुमराह कोणाशी लग्न करतोय याबाबत संशय कायम आहे. मीडिया रिपोर्टनुसार बुमराह दक्षिण भारतीय अभिनेत्री अनुपमा परमेश्वरनशी लग्न करणार आहे.
वास्तविक, बुमराहच्या सुट्टीच्या काही दिवसांनी अनुपमाने तिच्या इंस्टाग्राम अकाउंटवर एक फोटो शेअर केला आणि लिहिले की, 'हॅपी हॉलिडे टू मी!' हे पोस्ट असल्याने बुमराह आणि अनुपमा लग्न करणार असल्याचा लोकांचा अंदाज आहे. या दोघांच्या डेटची बातमी यापूर्वीही माध्यमात आली आहे, परंतु या दोघांनी याविषयी कधीही उघडपणे काहीही सांगितले नाही. बुमराहने इंग्लंडविरुद्ध पहिला कसोटी सामना खेळला होता आणि दुसर्‍या कसोटी सामन्यात विश्रांती घेतली होती, आणि तिसर्‍या कसोटीसाठी पुन्हा संघात परतला. इंग्लंडविरुद्धच्या पाच सामन्यांच्या टी -20 आंतरराष्ट्रीय मालिकेमधून बुमराहलाही विश्रांती देण्यात आली आहे.
