मुंबईत खळबळ! मुकेश अंबानींच्या बंगल्यासमोर सापडली जिलेटीनने भरलेली कार

car mukesh ambani house
Last Modified शुक्रवार, 26 फेब्रुवारी 2021 (08:07 IST)
प्रसिद्ध उद्योगपती मुकेश अंबानी यांच्या दक्षिण मुंबईतील मलबार हिल परिसरातील अँटीलिया Antilia या बंगल्यासमोर संशयास्पद कार आढळून आल्याने एकच खळबळ माजली आहे.एक राखाडी रंगाच्या स्कॉर्पिओ गाडीत जिलेटीनच्या तब्बल 20 कांड्या सापडल्या आहेत. तसंच एक धमकीचं पत्रही या गाडीमधून मिळाल्याची माहिती मिळतेय. खुद्द गृहमंत्री अनिल देशमुख यांनी ही माहिती दिली आहे. दरम्यान, स्फोटकांनी भरलेल्या या स्कॉर्पिओ गाडीबाबत अजून एक धक्कादायक माहिती समोर आली आहे. ही गाडी बुधवारी मध्यरात्री 1 वाजेच्या सुमारास अंबानी यांच्या घराजवळ पार्क करण्यात आली होती. या संपूर्ण प्रकाराचं सीसीटीव्ही फुटेज पोलिसांना मिळालं आहे.
पोलीस पथकासह घटनास्थळी बॉम्ब शोधक आणि नाशक पथक तसेच फॉरेन्सिकचे पथक, एसएसजीची सिक्युरिटी दाखल झाली असून हा घातपाताचा कट असल्याची शक्यता वर्तवली जात आहे. धमकीच्या पत्रात अंबानी यांना जीवे मारण्याची धमकी देण्याबाबत मजकूर आहे.

अंबानी यांचं घर दक्षिण मुंबईतील पेडर रोडवर आहे. या परिसरात बुधवारी मध्यरात्री राखाडी रंगाची एक स्कॉर्पिओ दाखल झाली. नो पार्किंगचा बोर्ड लावलेल्या ठिकाणीच ही गाडी उभी होती. महत्वाची बाब म्हणजे या स्कॉर्पिओ गाडीसोबत त्या ठिकाणी अजून एक पांढऱ्या रंगाची इनोव्हा गाडीही होती. इनोव्हा गाडी ही बरोबर स्कॉर्पिओच्या मागेच होती. अंबानी यांच्या घराजवळ या दोन्ही गाड्या दाखल झाल्यानंतर स्कॉर्पिओ गाडीची लाईट बंद करण्यात आली. त्यानंतर मागे थांबलेली इनोव्हा गाडी स्कॉर्पिओ गाडीच्या काहीशी पुढे निघून गेली.
काही वेळ गेला तरी स्कॉर्पिओ गाडीतून कुणीही खाली उतरलं नाही. 30 सेकंदाच्या फरकाने त्या ठिकाणावरुन एक टॅक्सीही पास झाल्याचं या सीसीटीव्ही फुटेजमध्ये पाहायला मिळत आहे. त्यानंतर स्कॉर्पिओ गाडीतील व्यक्ती उतरते आणि पुढे उभी असलेल्या इनोव्हा गाडीत बसते आणि तिथून ती इनोव्हा गाडी निघून जाते, अशी प्राथमिक माहिती सध्या मिळत आहे.

जिलेटीनच्या कांड्यांचा वापर स्फोटकं म्हणून केला जातो. विशेषत: खाणकाम, विहिरी खणणं, मोठमोठे दगड फोडणे किंवा दगड खाणींमध्ये जिलेटीनचा वापर केला जातो. लांबून वात पेटवून स्फोट घडवून, या दगड फोडण्यासाठी विशेषत: जिलेटीनचा वापर केला जातो. मात्र जिलेटीनच्या कांड्यांचा स्फोट होऊन अनेकांचा मृत्यू झाल्याच्या बातम्या यापूर्वी अनेकवेळा आल्या आहेत. एका जिलेटीनच्या कांडीत भीषण स्फोटाची क्षमता असते. मुकेश अंबानी यांच्या घराजवळ तर 20 जिलेटीनच्या कांड्या सापडल्या. त्यामुळे या कांड्यांची तीव्रता किती असू शकते याचा अंदाज येऊ शकतो.


यावर अधिक वाचा :

लग्न समारंभातबाबत राज्य सरकारकडून नवी नियमावली जाहीर

लग्न समारंभातबाबत राज्य सरकारकडून नवी नियमावली जाहीर
लॉकडाऊनमुळे रखडलेल्या लग्न समारंभातबाबत राज्य सरकारने एक महत्त्वाचा निर्णय घेतला आहे. ...

पिंपरी चिंचवड शहरातील ‘या’ आठ लसीकरण केंद्रावर मिळणार लसीचा ...

पिंपरी चिंचवड शहरातील ‘या’ आठ लसीकरण केंद्रावर मिळणार लसीचा दुसरा डोस
कोरोना प्रतिबंधक लसीचा पहिला डोस घेतलेल्या पिंपरी-चिंचवड शहरातील नागरिकांना लसीचा दुसरा ...

राज ठाकरें उद्धव ठाकरे याच्या पाठीशी लिहिलं PM मोदींना ...

राज ठाकरें उद्धव ठाकरे याच्या पाठीशी लिहिलं PM मोदींना पत्र; पत्रातून मांडल्या ‘या’ महत्त्वपूर्ण मागण्या
देशात कोरोनाचा शिरकाव झाल्यापासून महाराष्ट्राला या व्हायरसचा सर्वाधिक फटका बसला आहे. ...

शहरात सुरु होते भामट्या महिलेचे ‘कार’नामे ! अखेर पोलिसांनी ...

शहरात सुरु होते भामट्या महिलेचे ‘कार’नामे ! अखेर पोलिसांनी केली अटक…
अहमदनगर शहरात वाहनचालकांकडून लिफ्ट मागून नागरिकांना लुटणारी ‘ती’ भामटी महिला काही जागृत ...

आ.विखे पाटील यांची रेल्‍वेमंत्र्यांकडे विलगीकरण बोगीची ...

आ.विखे पाटील यांची रेल्‍वेमंत्र्यांकडे विलगीकरण बोगीची उपलब्‍धता करुन देण्‍याची मागणी
अहमदनगर जिल्‍ह्यात कोव्‍हीड रुग्‍णांची वाढत चाललेली संख्‍या आणि रुग्‍णालयांमध्‍ये उपलब्‍ध ...

नागपूर जिल्ह्यात एकूण ७ हजार २२९ नवे कोरोना रुग्ण

नागपूर जिल्ह्यात एकूण ७ हजार २२९ नवे कोरोना रुग्ण
नागपूरमध्ये कोरोनाच्या संसर्गाची दाहकता कायम असून बुधवारीदेखील पॉझिटिव्ह रुग्णांची संख्या ...

आणि हिंदू महासभा रुग्णालयात ५० जणांना ऑक्सिजन पुरवला

आणि हिंदू महासभा रुग्णालयात ५० जणांना ऑक्सिजन पुरवला
मुंबईतील घाटकोपर येथील एच. जे. दोशी घाटकोपर हिंदू महासभा या खासगी रुग्णालयात कोविड ...

कोरोनाची 5 नवी लक्षणं, घाबरु नका पण दुर्लक्षही करु नका

कोरोनाची 5 नवी लक्षणं, घाबरु नका पण दुर्लक्षही करु नका
देशात कोरोनाने पुन्हा थैमान मांडला आहे आणि दिवसेंदिवस कोरोनाबाधित रुग्णांची संख्या वाढत ...

गुरुवारपासून ‘या’ वेळेतच मिळणार शिवभोजन थाळी

गुरुवारपासून ‘या’ वेळेतच मिळणार शिवभोजन थाळी
कोरोनाच्या वाढत्या प्रादुर्भावाच्या पार्श्वभूमीवर पिंपरी-चिंचवड शहरातील सर्व शिवभोजन ...

नागपुराला ऑक्सिजनचे 5 टँकर्स उपलब्ध होणार

नागपुराला ऑक्सिजनचे 5 टँकर्स उपलब्ध होणार
राज्यात सर्वत्र ऑक्सिजनचा तुटवडा जाणवत आहे. अनेक ठिकाणी ऑक्सिजनअभावी रुग्णांचे मृत्यू होत ...