'पाटणा-इंदूर एक्सप्रेस' घसरली 133 जणांचा मृत्यू

सोमवार, 21 नोव्हेंबर 2016 (11:07 IST)

Widgets Magazine

पाटणा-इंदूर एक्स्प्रेसचे चौदा डब्बे रुळावरुन घसरुन झालेल्या अपघातात नुकत्याच प्राप्त झालेल्या माहितीनुसार 133 जणांचा मृत्यू झाला असल्याचे समजते. तसेच 200 पेक्षा अधिकजण जखमी झाले आहेत. दरम्यान, मृतांचा आकडा वाढण्याची शक्यता अजूनही वर्तवण्यात येत आहे.
 
पहाटे साडे चारच्या सुमारास उत्तर प्रदेशातील कानपूरच्या पुखराया रेल्वे स्टेशनजवळ ही दुर्घटना घडली. रेल्वे रुळ उखडल्यामुळे हा झाल्याचा प्राथमिक अंदाज वर्तवण्यात येत आहे.
 
अपघातानंतर परिसरातील नागरिक, पोलीस प्रशासन यांच्याकडून बचावकार्य सूरू आहे. घटनास्थळी मेडिकल टीम दाखल झालेली आहे. थोड्याच एनडीआरएफची टीमही लवकरच दाखल होणार असल्याची माहिती प्रशासनाकडून देण्यात आली आहे.
 
दोषींना सोडणार नाही 
पाटणा-इंदूर एक्सप्रेसला झालेल्या भीषण अपघाताच्या चौकशीचे आदेश प्रभू यांनी दिले आहेत. चौकशीत दोषी आढळलेल्यांना सोडणार नाही. त्यांच्यावर कठोर करावाई केली जाईल, असे त्यांनी स्पष्ट केले आहे. केंद्रीय रेल्वेमंत्री सुरेश प्रभू यांनी घटनास्थळी दाखल होऊन मदत कार्याची पाहणी केली. त्याचबरोबर मृतांच्या नातेवाईकांना साडेतीन लाख रुपये तातडीची मदत देण्याची घोषणा केली. गंभीर जखमी व्यक्तींना पन्नास हजार रुपयांची मदत जाहीर केली. तसेच या रेल्वे अपघाताच्या चौकशीचे आदेश दिले.
 
पंतप्रधांकडून मदत जाहीर 
पंतप्रधान नरेंद्र मोदी यांनी या रेल्वे अपघाताबाबत दु:ख व्यकत केले. तसेच या रेल्वे अपघातात जे जखमी झाले आहेत. ते लवकर बरे व्हावेत अशी प्रार्थनाही त्यांनी केली आहे. दरम्यान पंतप्रधानांनी मृतांच्या नातेवाईकांना प्रत्येक दोन लाख रुपयाची मदत जाहीर केली आहे. तर गंभीर जखमींना पन्नास हजार रुपये तातडीची मदत देऊ केली आहे. पश्‍चिम बंगालच्या मुख्यमंत्री ममता बॅनर्जी यांनीही दु:ख व्यक्त केले आहे. गोव्यात सुरू असलेल्या आंतरराष्ट्रीय चित्रपट महोत्सवातही दोन मिनिटे मौन पाळून अपघातातील मृतांना श्रद्धांजली वाहण्यात आली. 



Widgets Magazine
Widgets Magazine
यावर अधिक वाचा :  

Widgets Magazine

महाराष्ट्र न्यूज

news

मुंबईला यातना देणाऱ्यांना मुंबईकर आता घरी बसवतील - शरद पवार

आज सत्तेत बसलेल्या घटकांचे निर्णय देशाला, राज्याला आणि मुंबईकरांना यातना देणारे असल्याचे ...

news

रुबी हॉस्पिटलने व्यावसाईकता जपली मात्र नवजात मुलीने गमावला जीव

पुण्यात एका नवजात मुलीचा उपचार न झाल्यानं मृत्यू झाला आहे. रुबी हॉस्पिटलनं पैसे भरा नंतरच ...

news

बचत खाते उघडून पोस्ट ऑफिस करणार शेतकरी वर्गास मदत राज्यातला अभिनव उपक्रम

केंद्र शासनाच्या रु.५०० व १००० च्या नोटा बंद करण्याचा ग्रामीण अर्थव्यस्थेवर व विशेषतः ...

news

जे नोट बंदी विरोधी ते तर देश द्रोही मुख्यमंत्री नवीन वादाला सुरुवात

सर्वसामान्य जनता नोटाबंदीच्या निर्णयामुळे एकीकडे हवालदिल झाली आहे. तर दुस्र्कडे आपल्या ...

Widgets Magazine