न्यायालयाने शिक्षकाला बलात्काराच्या आरोपाखाली १८७ वर्षांची शिक्षा देत ९ लाखांचा दंड ठोठावला
Kerala News : न्यायालयाने आरोपी शिक्षकाला POCSO कायद्याअंतर्गत ही शिक्षा सुनावली आहे. आरोपी ४१ वर्षांचा आहे आणि त्याला एकापेक्षा जास्त प्रकरणांमध्ये शिक्षा झाली आहे. केरळमधील कन्नूर येथील एका मदरशाच्या शिक्षकाला अल्पवयीन मुलीवर बलात्कार केल्याबद्दल १८७ वर्षांच्या तुरुंगवासाची शिक्षा सुनावण्यात आली आहे.
मिळालेल्या माहितीनुसार लिपाराम्बा फास्ट-ट्रॅक विशेष न्यायालयाने मंगळवारी ही शिक्षा सुनावली. कोविड-१९ महामारीच्या लॉकडाऊन दरम्यान आरोपी शिक्षकाने १६ वर्षीय विद्यार्थिनीचे दोन वर्षांहून अधिक काळ लैंगिक शोषण केले. विशेष न्यायालयाचे न्यायाधीश यांनी आरोपीला पॉक्सो कायदा आणि आयपीसीच्या कलमांखाली अल्पवयीन मुलीवर वारंवार बलात्कार केल्याबद्दल दोषी ठरवले. न्यायालयाने दोषीला ९.१० लाख रुपयांचा दंडही ठोठावला.
Edited By- Dhanashri Naik
