गुजरातमध्ये विषारी दारूमुळे अनेक जणांचा मृत्यू

Gujarat Poisonous Desi liquor News: गुजरातमध्ये विषारी दारू प्यायल्याने अनेकांचा मृत्यू झाला आहे. याआधीही अनेकवेळा विषारी दारू अनेकांच्या मृत्यूचे कारण बनली आहे.

 विषारी दारूमुळे मृत्यू झाल्याची घटना पुन्हा एकदा चर्चेत आली आहे. यावेळी गुजरातमध्ये ही घटना घडली आहे. गुजरातमधील बोताड जिल्ह्यात आतापर्यंत 23 जणांचा बनावट दारू प्यायल्याने मृत्यू झाला आहे. त्याच वेळी, 40 हून अधिक लोक रुग्णालयात दाखल आहेत. याआधीही वेगवेगळ्या राज्यात बनावट दारूमुळे अनेकांचा मृत्यू झाल्याच्या घटना घडल्या आहेत. 

 पोलिसांनी दिलेल्या माहितीनुसार, या प्रकरणाच्या तपासादरम्यान आतापर्यंत 10 जणांना ताब्यात घेण्यात आले आहे. त्याच्यावर बनावट दारू तयार करून विक्री केल्याचा आरोप आहे. 

गुजरातचे डीजीपी आशिष भाटिया म्हणाले की, ताब्यात घेतलेल्या सर्वांची चौकशी केली जात आहे. तत्पूर्वी, मृतांपैकी एकाच्या पत्नीने सांगितले होते की, रविवारी रात्री बनावट दारू प्यायल्यानंतरच पतीची तब्येत बिघडली. बनावट दारू प्यायल्याने रुग्णालयात दाखल झालेल्या हिम्मतभाई नावाच्या व्यक्तीने सांगितले की, अनेक लोक आजारी पडले आहेत.

राज्यात संपूर्ण दारूबंदी आहे

गुजरातमध्ये संपूर्ण दारूबंदी आहे. येथे बॉम्बे प्रोहिबिशन अॅक्ट, 1949 अन्वये पोलीस मद्य खरेदी, मद्यपान आणि बाळगणाऱ्यांवर कारवाई करू शकतात. दोषी आढळलेल्यांना तीन महिन्यांपासून ते पाच वर्षांपर्यंतच्या तुरुंगवासाची शिक्षाही भोगावी लागेल.