अहमदनगर रेल्वे स्थानकाचे नाव बदलले, आता अहिल्यानगर या नावाने ओळखले जाणार

पुण्यश्लोका देवी अहिल्याबाई होळकर यांच्या सन्मानार्थ आता अहमदनगर रेल्वे स्थनाकाचे नाव बदलण्यात आले आहे. आता हे रेल्वे स्थानक "अहिल्यानगर " नावाने ओळखले जाणार. 

केंद्रीय गृह मंत्रालयाकडून गेल्या आठवड्यात मंजुरी मिळाल्यानंतर राज्य सरकार कडून अहमदनगर रेल्वे स्थनाकाचे नाव बदलून अहिल्यानगर करण्याची अधिसूचना जारी करण्यात आली. 

या प्रकरणी रेल्वे कडून एक प्रसिद्धीपत्रक जारी करण्यात आले असून त्यात लिहिले आहे की, पूर्वी अहमदनगर म्हणून ओळखले जाणारे रेल्वेस्थानक आता अधिकृतपणे अहिल्यानगर म्हणून ओळखले जाणार तथापि, स्टेशनच्या कोडमध्ये कोणतेही बदल होणार नाही आणि अहिल्यानगरचा स्टेशनकोड ANG राहणार आहे. 

राज्याचे उपमुख्यमंत्री अजित पवारांनी रेल्वे मंत्री अश्विनी वैष्णव यांना गेल्या महिन्यात पत्र लिहून अहमदनगर रेल्वे स्थानकाचे नाव शहराशी जुळणारे जावे अशी मागणी केली होती. अहमदनगर शहराचे नाव गेल्या वर्षी महाराष्ट्र विधानसभा निवडणुकीच्या पूर्वी राज्य सरकारने बदलले होते. या निर्णयाला महाराष्ट्र मंत्रिमंडळाने मान्यता दिली. या निर्णयात, अहमदनगर जिल्ह्याचे नाव बदलून अहिल्या नगर असे करण्यात आले. शहराचे नाव बदल्लयांनंतर अनेक संघटना आणि नागरिक अहमदनगर रेल्वे स्थानकाचे नाव बदलण्याची मागणी करत होते. 

Edited By - Priya Dixit