डी. एस. कुलकर्णी आणि त्यांची पत्नी हेमंती कुलकर्णी हे मागील दोन महिन्यापासून अटकेत आहेत. आता त्याच्या तीन नातेवाईकांना आर्थिक गुन्हे शाखेने अटक केली आहे. सई वांजपे, केदार वांजपे आणि धनंजय पाचपोर अशी या तिघांची नावे असून त्यांना पोलिसांनी अटक केली आहे.
प्रसिद्ध बांधकाम व्यावसायिक डीएसके आणि त्यांच्या पत्नी हेमंती गुंतवणूक दाराच्या फसवणूक प्रकरणी मागील काही महिन्यापासून अटकेत आहेत. त्यांना जामीन मिळावा, यासाठी न्यायालयात अनेकदा अर्ज देखील करण्यात आला.मात्र प्रत्येक वेळी न्यायलायाने त्यांचा जामीन अर्ज फेटाळून लावला. या सर्व घडामोडी घडत असताना मागील आठवड्यात राज्य शासनाने त्यांची मालमत्ता जप्त करण्याचे आदेश दिले. त्यानंतर गुंतवणूकदारांना या जप्तीमधून पैसे मिळतील अशी अपेक्षा आहे.
