'गंगा भागिरथी नको फक्त श्रीमती म्हणा'
महिला आणि बाल कल्याण मंत्री मंगलप्रभात लोढा यांनी ‘गंगा भागिरथी’ मुद्द्यावरून काढलेल्या पत्रकासंबंधी त्यांच्यावर टीका होत आहे. महिला आयोगाच्या विनंतीनंतर असं पाऊल उचलल्याचं त्यांनी म्हटलंय.
आता भाजपमधून देखील मंगल प्रभात लोढा यांच्या कल्पनेला विरोधा झाला आहे. भाजप नेत्या चित्रा वाघ यांनी विधवा महिलांसाठी नवीन शब्द सुचवला आहे. तसेच त्यांनी 'गंगा भागिरथी' या शब्दाचा अर्थही सांगितला आहे.
"गं.भा. म्हणजे गंगा भागिरथी… नवरा गेल्यानंतर गंगेवर जाऊन केशवपन केलेल्या स्त्रीला गं.भा. म्हणायची, लिहायची पद्धत होती. याऐवजी कोणत्याही सज्ञान स्त्रीला कुमारी, सौभाग्यवती, श्रीमती असे वेगवेगळे उल्लेख करण्यापेक्षा नुसतं “श्रीमती” म्हणायला काय हरकत आहे", असा प्रश्न चित्रा वाघ यांनी उपस्थित केला आहे.
सकाळने यासंदर्भातलं वृत्त दिलं आहे.
Published By -Smita Joshi
