'राबडीदेवी ही काय शिवी आहे?' - देवेंद्र फडणवीस
महाराष्ट्र भाजप सोशल मीडियाचे प्रभारी जितेन गजारिया यांनी काही दिवसांपूर्वी रश्मी ठाकरे यांना 'महाराष्ट्राच्या राबडीदेवी' असं संबोधलं होतं. यावरून मोठा वाद झाला होता.
माजी मुख्यमंत्री आणि विरोधी पक्षनेते देवेंद्र फडणवीस यांनी यावर आपली प्रतिक्रिया दिली आहे.
जितेन गजारिया यांना या ट्वीट प्रकरणी सायबर पोलिसांनी समन्स बजावलं होतं. बीकेसी पोलीस ठाण्यात त्यांना जबाब नोंदवण्यासाठीही बोलवण्यात आलं होतं.
शिवसेनेचे खासदार संजय राऊत यांनी भाजप सीबीआय, ईडी या केंद्रीय तपास यंत्रणांचा वापर करत असल्याचा आरोप केला होता. याला प्रत्युत्तर देताना फडणवीस म्हणाले, "चोऱ्या कराल तर ईडी सीबीआय कारवाई करणारच. तुम्ही तर आम्ही साधं ट्वीट केलं तरी जेलमध्ये टाकत आहात. राबडीदेवी ही काय शिवी आहे का?"
"पण सौभाग्यवतींना राबडीदेवी म्हटलं म्हणून पुण्याचे 25 पोलीस रात्री आमच्या कार्यकर्त्याच्या घरी जात आहेत. आम्ही त्याचं समर्थन केलं नाही. त्यामुळे हा रडीचा डाव आहे,"असंही ते म्हणाले.
